بنات باجر ان شاء الله ابغي اسوي لقيمات و خااايفه وايد اني ما اضبطها
انا عندي المقادير … بس المشكله مب في المقادير .. المشكله في الطباخه هههههههه
سويتها اخر مره قبل سنه لكن طلعت كلها عيـــــــــين و عقيتهااااا
يا ريت يا بنات اللي تعرف تسويها تنصحني … يعني انا اعرف ان العجينه لازم ما تكون وايد يابسه
و لا وايد لينه .. بس مب عارفه للحين كيف بالضبط
شكلي باجر بخبص الدنيا و اخاف تطلعلي خبيصه بدل القيماات هههههههه
اللي تعرف لا تبخل علي بنصيحتهااا
اترياكم الحيــــــــــن
بناااااااااااااااااات ساعدوها بسرعة هي باااااااااجر بتسوي اللقيمات …
يلاااااااااااااااااا
يالله بنات اترياكم
والله ماقول غير الله يعينج
والله انا مثلج ما اعرف اطبخها
مشكلتي تكون في العجينه خخخخخخخخخخخخخخخخخخخخ
امانه عليج تخبريني باجر شو تطلع عندج لما تسوينها خخخخخخخخخخخخخخخ
شووفي الامر جدا بسيط اول شي خلي الامر عادي وبيسهل ..
شوفي علبه لقمة القاضي وحطيها في طاسه وبتلاقين فيها كسي الخميره جبييه فيها بعد ..وبعدين حطي ماي حسب ما هو مكتوب طاعي شو مكتوب ع العلبه ما ادري كم بالملل حسب الكوب القياسات ولا تنسين الاحسن اتحطين ماي دافي ..وخلاف ييبي ملعقه خشب وحركيه وحاولي ما تخلينه ماي ولا جامد يعني سائل وولزج ثقيل ..وخليه لمده معينه ..حسب ما هو مكتوب اعتقد ساعه وغطيه بمنشفه رطبه ..وبتلاحظين انه بعد الساعه اتخمر ..حركيه بييدج ..وييبي طاسه صغيره حطي فيهااا ماي عسب كل مره اتغطين ايدج فيهااا – ييبي تاوه وسخني الزيت فيهااا ..رشي ذرة ملح في الزيت ( يساعد على ان اللقيمات ما يتشرب واايد بالزيت ) وبعدين خذي شوي شوي من العجين وبكميه متساويه وحطيهاا في الزيت ( وحاولي لما اتفرينها في الزيت اتخلين صبعج هو آخر شي اتفرين به العجين << ما ادري اذا فهمتي ..)) المهم اهم شي ايكونن نفس الشكل والساايز ..وبعدين من اتخلصين حطي عليهااا عسل ولا حطي في النص العسل في شي اصغير مثل الفنياال وورشي عيه سم سم والله يوفقج ..سمحيلي ع الاسلوب آخر الليل اتعرفين 
غرااام الشوق . شجعتيني والله و ارتفعت معنوياتي —– داشه حرب —–
فهمت عليج حبيبتي و ان شاء الله بنفذ كل اللي قلتي عليه
بس انا بسوي من مقادير وحده عطتني اياها و مضمونه و ان شاء الله خير
و شكرااااااااااا على نصايحج الثميــــــنه
لولو … شكلج تطنزين .. انتي بروحج ما تعرفين اتسوينها .. باجر ان شاء الله بتخقق عليج
يا رب تضبط عندي و اتخقق عليج
نسيت اخبركم اني بطرشها لاهل ريلي لاني قايله لهم اني اسويهااااا عاااادي و تطلع حلوه عندي ،، اتوهقت يوم سالوني و قلت لهم هي عااااااادي
عاد باجر لازم اوديلهم منهاااا