ما احس بطعم فتره الملجه

هلا خواتي انا خطيبي يزورني فالبيت ونحنا مالجين من فتره ما احس في تواصل بيني وبينه معني ايلس معاه بروحنا مرات ولا حتى نمسك ايد بعظ ولا عمره باسني يوم يزورني بس بالتلفون يعبر لي وبالغصب يقول ماعرف هل الشي طبيعي حتى يوم ايلس عداله احس عادي كني يالسه عند اخويه مش خطيبي بس نسلم باليد علا بعظ اول ما يزورني ويوم يظهر من عندي شو ممكن اسوي ساعدوني معني احبه والله تعبانه نفسيتي كله افكر هل بعد الزواج بيكون جي مصيري نفس الحال احس غيري المخطوبات مستانسين مب مثلي وبس لما انومه فالتلفون يكون عادي اقول له تصبح علا خير لين ينام اسكر التلفون معني مب مقصره الحمد لله

ساعدوني شو ممكن اسوي انا اللي اعرفه احلا ايام ايام الملجه تكون

يمكن يستحي اقصد خجوول
اتري لين ياخذ عليج

انتوا من متى مالجين؟

اذا من قريب اصبري عليه انتي اتدلعي عليه يوم اييج حسيه ريلج مب اخوج
ترا في رياييل يستحون اكثر من الحريم ويمكن بعد العرس يصير شي ثاني

بادري بالكلام الحلو رحبي فيه من قلب وقوليله هلا هلا نورت البيت ويعني جي ترا انا مو من زود عندي خبره بعدي مخطوبه بس احس الرياييل اللي يستحون وايد انتي بادري بشويش عسب ياخذ راحته

الله يوفقج حبوبه

اختي حاولي اتسمعينه كلام حلوووووو من صوبج بكل فون ترمسين معاه
و يمكن ريلج خجووول

حبيبتي اصبري عليه شوي شوي يمكن الريال يستحي وما يعرف هاي الامور

انتي ابدي بكلام حلوو و جي وهو اكيد بيتعلم

عادي فديتج لا تشلين هم
مثل ما قالوا الخوات هو يمكن خجول
وفي وايد ريايل جيه ما يعرفون يتصرفون اول شي
فـ انتي بادري وخلج جريئه وياه
تقربي وتدلعي وقولي كلام حلو وجيه
وبتشوفينه ع طول بيتجاوب وياج
الله يسعدج يارب ويهنييج

مثل ما قالو الخوآآت يمكن خجول

آتريي عليه شوي ..~