ما ادري شفيني .

السلام عليكم ورحمه الله وبركاته

شخباركم خواتي ..ان شاءالله مرتاحين

خواتي ما ادري شفيني ..تعبت من التفكير

انا عزباء و بدخل سن الـ 31 بعد كم شهر

وبصراحه لو رجعنا سنة ولا سنتين ورا.. كنت عايشة حياتي طبيعي ولا افكر في الزواج

كنت منهمكة في العبادات و بالاضافة الى ممارسة هواياتي….هواياتي كانت تشغلني بشكل كلي ..كنت استمتع بها لدرجه لا توصف ..و كنت ما اهتم لسالفه الزواج ..عادي يعني

الحين ما ادري شو فيني..

ما صرت استمتع بشي

كل تفكيري اني اتمنى رجل يحن علي ..
لدرجة كل ما افتح عيوني من النوم اقوم واقول هل انا بعدني عازبه؟ متى بتزوج ؟؟
صرت كل ما اشوف ريال وحرمته مع عيالهم احس بحزن
وكل ما اشوف ريال وسيم اقول هل ريلي بيكون وسيم جذيه؟

والله ما ارييييييييييد افكر جذيه ..
مع انه والله ما اقص عليكم انه في الدوام الحريم عندنا يقعدون يسولفون عن ريايلهم و عيالهم و اشغال البيت و مصايبهم ..اقول في نفسي الحمدلله بلا زواج بلا هم
بس عقب اخر اليوم احس انه فوق هم الزواج ..اتمنى اتزوج

بنات ما صرت احس بحلاوه اي شي

اريد اشل من راسي هالفكره ..احس اني حتى لو انخطبت الحين انا مش مستعده نفسيا للزواج..احس اني متخبطة ..مشتتة ..ما ادري كيف..مش مستقره في تفكيري ومش عارفه ليش..

اظن احسن حل هو التقرب من الله عز وجل اكثر..بس ما احب اتقرب بالعبادات عشان سبب مثل الزواج..اريد اتقرب من ربي عشان يرضى علي واضمن اخرتي

خواتي ادعوا لي انه ربي يريح بالي

الله يريح بالج

صلي قيام الليل سبحان الله له أثر ديني ونفسي وعقلي و جسدي

الله يرزقج ان شاء الله

الله يريح بالج ان شاء الله ويرزقج ع قد نيتج

الله ينولج كل خير ..

الله ينور طريقك ويسعدك ان شاء الله

كل شي تصيب , و ان شاء الله الله يرزقج الزوج الصالح