ما سوت لي الدكتوره فحوصات الحمل

السلام عليكم

في حملي الاول كنت اراجع في المفرق وربيت في المفرق كونه الاقرب لبيتنا

وانا احين اراجع في عند الدكتوره سوسن في عياده ناديه
انا احين حامل في اخر اسبوع من الثاني

المهم
احين الدكتوره ما سوت لي فحوصات دم ولابول شرات المفرق وما اعطتني فيتامينات وقالت لي اوقف الكالسيوم

شو رايكم ارد لمستشفى المفرق ولا لا

وبعد سالتني اييج آلام الدوره قلت لها هيه قالن على طول قلت لها ساعات وساعات قالت لي اعطيج مثبت فقلت لها لا لان في حملي الاول كان على طول ييني الم الدوره لين الشهر الخامس او اكثر

شو رايكم

اب اب اب
ان شاء الله حد يفيدج

انا الدكتورة كتبتلي الفيتامينات والكالسيوم من عقب الشهر الثالث.. يعني اتوقع عادي انها ما تعطيج شي الحين.
بس المفروض الحين ما تقطعين الفوليك اسيد ابدا لين ما ادشين الشهر الثالث، عقب بتقولج وقفي الفوليك اسيد وبتعطيج pregnacare و Osteocare

أقولج ردي المفرق أريحلج … وعندهم خبره أكثر ….

نحن في الشارجة نراجع من الهشر الرابع في العيادات الحكومية او المستشفى

ومن الرابع بعد تحليل الدم يبدون يعطونا حبوب حديد وكالسيوم وغيرها

لكن قبل الرابع لا

اذا كان في مشاكل في الحمل من البداية