ما عندي مكياج ابداااا!

السلام عليكم حبوبات الانيقات

انا للاسف ما كنت معترفه بشي اسمه مكياج وماعندي الا جحال وبس وللاسف وصلت المواصيل بيني وبين ريلي لحارة سد
وانا ما احب الشوبينج للاسف فبليز الي تنصحني باشيا مثل:

– افضل نوع روج؟
– افضل بلاشر (مت) وردي لاني حنطيه اقرب للسمار
– افضل كريم اساس بسيط الحمدلله ماعندي عيوب في ويهي انا حاليا استخدم بس سن بلوك وبي بي كريم لايت من بوندس.
– افضل جحال – حاليا استخدم برجوا بس مايثبت والي يثبت اكثر مكياجي صبايا

امس سرت ماك في ستي سنتر عيمان بس كانت سخيفه جدااااا البايعه تقولي قدامج الالوان اختاري!!!

واذا مابطول عليكم ابا اسال شو هو ملح الحليب وشو فايدته او نصايحكم بافضل شي للجسم ينعم؟

سيري سيفورا و اطلبي واحدة عربية و خبريها انك ما عندك فكرة عن الميكب و خليها توريكي الالوان و تجرب على بشرت و خذي الاساسيات فقط ما تكثري عشان تحكمي على الشئ ناسبك ولا لاء لان من بشرة لبشرة تختلف

سيري محلات اريج او باريس جالري بيساعدونج اللي يناسبج

لا ،، ما أنصحج تسيرين عند سيفورا و للا أي محل قبل ما تعرفين بالضبط أنتي تبين
النت عالم واسع،، سوي بحث و اقري و عقب قرري أنتي شو تبين،، سجلي في الورقة و عقب سيري المحل و اشتري لج
انصح محل ماك،،،

موووووووووووفقة

موفقه

انتي من وين غلاتي
خذي الاسياسيات اول شي
اللارواج
الجحال الملون
والبلاشر
والمسكره

ولو يتي صوبي بعلمج ولا يهمج وبدون بيزات
لو تشوفين مواضيعي كلها مواضيع دروس وافكار