مب عارفه شو اسوي

خواتي انا مالجه وما اقدر اعيد مشكلتي اللي ما تذكرها تدخل ملفي عشان تقراها المهم انا حاولت احبه بس مب قادره احب ريلي والله تعبانه ما اعرف كيف برقد وياه كل ما اتخيل اني برقد وياه اتلوع جبدي اللي تحب ريلها احس انها يالله يالله ترقد وياه وتسوي كل الحركات وياه واحيانا يكون مجامله فما بالكم لو كانت ما تتقبله من الاساس افكر اطلق قبل لا يطيح الفاس في الراس بس محتاره وخاصة انه وايد يحبني وزين وياي ادري بتقولون احمدي ربج على هالريل احمد ربي واشكره ليل ونهار بس بعد الوحده كيف تعيش هالحياه بدون حب كيف يصير الجنس بدون حب؟؟ كيف؟؟ بتقولون بعدين ايي الحب ولو ما حبيته كيف؟ انا اصلا ما اتقبله كل يوم اقرا على عمري المعوذات واستغفر بس انا ما احس انه عين يا خواتي المحبه من الله احيانا انصادف ناس زينين بس ما نقدر نحبهم صح والا لا؟ خبروني شو اسوي حياتي كلها تفكير في تفكير واسلوبه واااايد عادي ما عنده اسلوب ممتع في الكلام حتى احيانا احسه سخيف وما يعرف يتمصخر بس للامانه اخلاقه وايد زينه ارجوكم دلوني شو اسوي؟صليت صلاة الاستخاره كذا مره وبعده فيني هالاحساس بالنفور

اختي في الله :

الزواااج مب بس جنس ورقااااد

ومنو قالج كل الحريم او الرياييل المتزوجين يحبون بعض لا والله يمكن 70% او 80% بينهم احترام وتقدير مب حب

وهذا شيء عااادي والدراسات تقول جذامب انا

ومب لازم تحبينة كفايا كفايا مليوووووووون مرة اقولها انه هو اللي يحبج وهاي نعمة تدورها مئات الحريم

داام الريال شاريج اشتريه وخلي الوسواس ترى الشيطان اعظم عمل عندة انة يفرق بين الحرمة وزوجها انا انصحج انج تقرين البقرة من اييج هالاحساس

وتتعوذييييييييييين من ابيليس

لا تخطين خطا واااايدااات اعرفهن ملجوا وقالوا نفس رمستج بس للاسف بعد الطلاق ندموا تعرفين ليش

لان زوااجهم الثاني كل من شخص للاسف سيء (حوبة الاول)وعانوا كثييييييييييير بس عقب شو

فكري ليش تكسرين خاطرة وهو يحبج ؟؟؟

فكري هل انتي بتحصلين حد باخلاقة وتربيته ؟؟؟

هل وهل وهل

ولا تنسين ان هذا كلة من ابيس اعوذ بالله منة

توكلي على الله وقولي دووووم لو في خاطرج زوجي حبيبي

والله يبعد الوسواس والشيطان عنكم يارب

صدقيني بتحبينة بعد العشرة ومن المعاملة الزينة ان شاء الله

اختي
انصحج باستشاري او استشاريه
ها الموضوع ما ينفع تاخذين فيه راي اي حد

أختي الغاليه ..

" وعسى ان تكرهوا شيئا وهو خير لكم " …

حياتي ترى الزواج مب ارقاد وراحه ووناسه .. مثل ما تفكرين

اشوفج وايد تفكرين بسالفه الرقاد ..

الزواج مسؤوليه وواجبات عليج وعليه ..

خذي هالمقارات ..

انتي ما تحبيته .. بس هو يحبج وميت فيج ..

يعني اهو اللي يركض وراج ..

وتدرين اغلبيه البنات هن اللي يركضن ورا رياييلهن ..

يعني الحينه لازم تحمدين ربج مب الف الا مليون مره على هالنعمه ..

اسلوبه سخيف .. ما يعرف يتمصخر .. بس انتي عندج اسلوب تقدرين تغيرين الجو

وتخلين الجو كله فرفشه ووناسه ..

[ للامانه اخلاقه وايد زينه ]

اختي هذا اول شي انا انظر فيه قبل الحب وقبل المعاشره وقبل كل شي ..

لو تقارنين راح تلقين اللي بليا اخلاق اصلا وحرمته صابره عليه .. واللي بليا ضمير … الخ

يعني ريلج احسن عن مليوووون ريال

اختي قبل لا تعرس ما اداني ريلها كله زعل بزعل ..

والحينه والله لا تحسد على نعمه هالريال ..

كارمنها ومعززنها ومدللها ..

ومثل ما افادت اللي قبلي وسواس ويبي يخرب حياتج

انتي لو ترضين باللي مكتوب لج والله بتكونين اسعد انسانه

ولو تنظرين لمحاسن الريال والله راح ترتاحين ..

موفقه حياتي

ما ادري شو اقول لج بس اشوف ردود البنات جدا مقنعه !!