مب عارفه كيف اتصرف الامهات وينكم!!

بسم الله الرحمن الرحيم
مب عارفه كيف ابتدي الموضوع .. اول مره بكتب نبذة عن حياتي الخاصة في العام .. امم بس اللي شجعني النصايح اللي يقدموها الاخوات ما يقصرون فديتهم
بدش في السالفة , السالفة يا حلويين انا عندي ولد توه 8 شهور ( الله يحفظه لي ) كله ينضرب يوم نكون يالسين في ميلس الحريم من مها بنت اخت ريلي ، وانا صرت اعصب وايد و انقهر بس احاول اسكت عشان ما تستوي حساسية و السبب مها عمرها جريب ثلاث سنوات بس كان يبين على ويهي الغضب والانفعال واذا ضربته كذا مره اصارخ عليها وامها تكون يالسة ، وبالنسبة لاخت ريلي ، يا حليلها طيبة وانا وياها شرات الاخوات بس هي تحسست و صارت ما تيي وايد البيت عسبة هالموضوع وانا مب عارفة شو اتصرف يعني هي ما ترضى انه نصارخ على بنتها وانا امم ولدي ينضرب عادي ( انا ادري انها يا حليلها تحب ولدي شرات عيالها بس ها بعد ولدي) ..
فاليوم تناقشنا في الموضوع جان تقولي صرت اتجنب ايي البيت عشان ولدكم ياخذ راحته و انتي وايد تنفعلين و تصارخين وانا صراحة اتضايق يوم تصارخون على بنتي
جان اقولها زين بنتج الحين عمرها جريب 3 سنوات تزعلين اذا صارخت عليها وتلوموني اني اصارخ واعصب يوم ولدي يا حليله يتضرب , فديته توه يحبي وتضربه ضرب خايس ( يعني تفر عليه لعبه عوده ..) و مع ذلك كله ايلس عند ولدي عشان اراقب انه ما ينضرب ..بس هم صغاريه ويحبون وتستوي هالامور فكيف اتصرف انا ها اول بيبي
فهل انا وايد اعطي الامور اكبر من حجمها او كيف تشوفون ؟
وشو الحل ما بي زعل وحساسية ؟
بليز حبوبات نصايح … لا تفشلوني اول مرة اطلب مساعدتكم

هلا الغلا اتوقع مكان الموضوع غلط وبعدني ماصرت ام
لكن اليهال دوم جي حالتهم المفروض مااتحسس منج هيه لانه بعد بنتها تضربه

اممم صراحة ما اعرف وين المكان وانا اول مرة انزل موضوع … اممم ما فهمت كلامج شوي ملخبط

شوفي حبيبتي أنا عشت في بيت حماي أكثر من 6 سنوات وكانو بنات حماي يجوا كل نهاية أسبوع هم و أولادهم طبعا و البيت يصير مليان أولاد تبارك الله
و أنا و لادي صغار و صعب السيطرة عالوضع و كانوا ينضربو و يتعضوا كمان و بما أني عارفة اننو كثير منن مشاكل الكناين تبدا بمسأله الاولاد هذذه فقررت أضبط نفسي قدر المستطاع و أعالج الموضوع بالحكمة ؟؟؟ لييش؟
لأني قررت أحافض على الجو الأخوي اللي يربطني ببنات حماي و الأمر يبغالو صبر و ححكمة و ضبطط نفس
و الحمد لله حصل اللي كنت مخططالوا و طلعت من بيتهم و هم يبكوا عليا و الآن يقولوا دايما : اييه! وين زمانك لما كنت مليانة بيتنا ضحك و حركة و فرفشة
الحمد لله رب العالمين
ارجع لموضوع الاولاد
انا كنت امسك الواحد من اولاد بنات حماي اللي كانو يضربون اولادي او ينزعولهم لعبهم و أجلسو على رجليا بكل حنان و أبوسو و كل هذا قدام امه طبعا و ابدا اعالج نقطة الغيرة عنده و اقول له : أنا عارفة حبيبي انك تحب بنتي و تحب تلعب معها صح؟ و أنادي بنتي و أقول لهل نفس الشي و أطلب منهم يبوسو بعض و اقول انتم اخوان و لازم تحبوا بعضكم ….. الخ من الكلام الجميل و اللمسات الحانية
في هذه الاثناء تضطر أمه تستحي اذا اعادها و تصير تعمل نفس الشي معه
و أتعمد مرات من غير ما تعرف بنتي أحمل اللعبة اللي عجبتو و تعارك مع بنتي عشانها و اعطيها له في السر عندما يهمون بالخروج من الببيت فيترك هذا التصرف انطباعا حسنا عند امه
شوفي اختي شبعي الاسد ما يعضك و صدقيني مادامك في بيت حماك ضروري تكون عندك حكمة و سعة خاطر و أنا متأكدة انك تقدري تكسبي الجميع
أرجوا أكون افدتك حبيبتي
بالتوفيق

الاخت اندلسيا الله يبارك فيها ما قصرت

الموضوع يباله صبر وحكمة وضبط نفس

بما انه هذا أول ولد لج فشي طبيعي تكونين خايفة عليه أكثر من اللازم ..

العصبية ما بتفيدج ..بالعكس بتضر بعلاقتج ويا أهل ريلج ..

موفقه حبيبتي

بالتوفييييييج..