متضايقة وفيني هم وضيقة وكل شي وابا افضفض

اااه تعبت نفسيتي والله واحسها ماشي نفسية والله

فيني غصه ما ادري شو ياني هالسنه في الدراسة كل دراجاتي تنزل
والبنات يرتفعن وانا ما ابا جي يلسة مع ماماه ويلسنا انسولف رباعه وتطرقنا لسالفة الدراسة
وتمت تقولي هي كيف كانت ولازم نحن نكون شراتها وشرات باباتي بس ما اعرف

المهم ماعلينا انا مقهور من وحده عدالي كل شي تباه جاهز وكل شي تباني احله
ويوم الامتحان تباني اغششها وانا مش من طبعي اغشش ولا اغش

ودراجاتها اعلى من دراجاتي بسسب الغش هب شي جي والله العظيم انا ما احب جي
وصرت ما ادانيها وفي خاطري بس ايب نسبه اعلى عنها باي طريقة بس من دون غش طبعا بمجهودي

ابا اي حد يرفع معنوياتي ويخليني ارد شرات قبل وابا حد يسويلي جدول للدراسة اليوميه

اااه والله اني تعبت و المشكلة ان المسات يقرنن بيني وبينها ها جوفي ربيعتج درجاتها اعلى عنج وما ادري شو تعبت والله
وفي خاطري اقول الله يخلي الغش واقول حسبي الله ونعم الوكيل

لان هيه درجاتها كلها غش في غش حتى استغفر الله ايات القران والاحاديث غش والله بنتغاض عن اشياء ولكن
القران محد يتغاض عن هـ الشي

ارفعولي معنوياتي قولوي كيف اقسم يومي للدراسة وكيف اسوي جدول وكيف احفز روحي عشان ارد شرات قبل

والله بتنصدمون انا اول ثنوي كانت نسبتيه شي وثمانين والحين 73 ومعنا ادبي اسهل عن عاشر ما اعرف شو ياني
يمكن من هاي البنت اللي حطمتني لان في الفصل الاول كانت تقولي اوف لاتهتمين وشدي حيلج الفصل الثاني عادي عادي
طاف بتعوضين واذا ما عوضتي عندج الفصل الثالث وما ادري شو والله قهر

لازماحفز روحي اني ايب اعلى عنها واللي بتقولي انتقلي من الصف كم مره ماماه يت قالولها ماشي مكان

واذا اغير مكاني فالصف تلحقني رحت ورا يت رديت جدام يت وانا لاحول ولا قوة
ااااه الله يعيني ويصبرني
انا اكتب من قهري والله حتى ما اعرف شو كتبت اللي في خاطري كله ظهرته
والاسبوع اللي طاف رديت البيت اصيح اصيح صياح لان درجاتي وااايد نازلة وانا واعده
ماماه اني ايب نسبة ترفع الراس والله ما اعرف شو اسوي ابا

وحده اتقولي كيف اسوي جدول
والا وحده تسويلي جدول
واباكم تدعولي

واللي بتسويلي جدول يزاه الله الف خير واللي تقدر تقولي كيف اسويه يزاها الله الف خير
انا ثاني ثنوي ادبي وما ابا اعيد السنة

اااه سوري طولت عليكم وااايد تميت اسولف عليكن ماعلية ساعدوني
سواء امهات بنوتات

حبيبتي حاولي انج يوم ترجعين من المدرسة ترتاحين عقب خليلج كمن ساعة تذاكرين فيها المواد
وحطي في بالج انج تقدرين تذاكرين ولا تقولين انج ما تقدرين وانج تعبانة والله يوفقج انا جي اسوي وانشالله باجي البنات يساعدونج
اكثر
وانا دورتلج جدول بس ماحصلت

حبيبتي أنا شراتج
في وحدة من بنات صفنا نسبتها في التسعينات بالغش طبعاً
والله ليش تحرقين أعصابج
هيه ما تقدر تجبرج إنج تغششين صح ولا لا؟
هذا الموضوع بيدج إنتي
يوم بتقولج غششيني في الإمتحان صدي عنها ولا تغششينها و إذا سألتج قولي خلاص أنا من يوم ورايح ما بغشش أي حد
وحمدي ربج إن درجاتج حلال مب شراتها الناس ما يعرفون إن هالدرجاات مب من جهدها بس الله يعرف وبيي يوم بتثبتين للكل هذا الشي
أما بالنسبة لجدول دراستج اليومية أنا بقولج طريقة دراستي يمكن تساعدج

أولا أنا في الثانوية (عاشر)
نرد الساعة 3 وخمس دقايق تقريبا
أرد أصلي و أتغدا أرتاح لين الساعة 5 بعدين أبدا دراسة سواء امتحانات أو دراسة عادية
أول شي أبدي الأهم بعدين المهم بعدين الأششياء العادية
الأهم الإمتحانات التقويمية
المهم:الكوزات +الحفظ+المشاريع
الأشياء العادية:واجبات, أو نطلع معلومات من النت

إذا كنتِ مضغوطة يعني عليج أكثر من إمتحان وزعي وقتج مثلاً أنا ضعيفة في المادة الفلانية فببدا فيها أول من 5 إلى 8 والمادة الثانية من 8 إلى 9 أو عشر

بالنسبة لدراستي للإمتحانات ما عندي طريقة الصراحة لكل المواد ما عدا الفيزيا و الرياضيات أفتح الكتاب و أدرس (أول شي أقرا النص مرة مرتين ثلاث و أفهمة بعدين أحفظة) أما الرياضيات والفيزيا اييب السبورة و أكتب عنوان الدرس بالإنقلش ومعناه بالعربي و أفهم نفسي خطوات الحل بعدين أحط تمارين إضافية على البورد و أحلها وبس^^

إن شاء الله أكون أفدتج ولو بشي بسيط

بسم الله الرحمن الرحيم

أختي اسمعي لو عندج مشكلة في الدراسة او في المدرسة ما عليج الا تدرسيني
لاني خلصت قبل سنة الدراسة في الثانوية
وجربت كل المشاكل و الهموم والفرح والوناسة

اسمعي ..

انا في اول ثانوي يبت 80% لكن في صف ثالث ثانوي يبت 97% <<شفتي الفرق
بعطيج كمن نصيحة ويا ليت تركزين وياي في كل نقطة
لكن قبل هذا اقري المعوذات ولازم تحطين راسج في المخدة و غمضي عيونج
ولازم اتحطين فكرة في بالج

* لا تقارنين اي وحدة فيج وحتى لو حد قارنج بوحدة قولي عادي ربيعتي واتمنالها الخير وان شاء الله بتحسن في دراستي
* ثاني شي لازم اتحطين في بالج انج تبذلين كل جهدج في الدراسة لكن في وقت الراحة عيشي حياتج
* لازم تعرفين ان كل حرف تدرسينة ينكتبلج فية اجر عند الله يعني قبل لاتروحين السكول انوي نيتج لله انج تتعلمين لوجهة ولتفيدين مجتمعج وتفرحين امج
*ثالث شي لازم ايكون عندج هدف تسعين لة

يوم اتفكرين في كل اللي قلتلج و تقتنعين فية
راسليني ع الخاص اكملج الشرح

بالتوفيق

لَيّيّيّيّيّيّيّشّـشّـ مِخٌ ـلَيّيّـًة هِآلَبّـبّـنٌـًتُ آتُتُقَصِـصِـ عَ ـلَيّيّيّيّجَ ـ لَيّيّشّـ.. !!!
تُسًسًـتُـهِبّـلَيّيّنٌ؟؟
خٌ ـلَـِيّيّيّجَ ـ قَوِوِيّـآإ وِعَ ـطٌيّيّهِـآ كآآشّـشّـ بّـآلَوِوِيّيّـًهِ..
لَآآوِآلَلَهِ .. آنٌتُيّ آتُعَ ـبّـيّنٌ عَ ـمِرجَ ـ وِحً ـآلَتُجَ ـ لَلَهِ .. وِآخٌ ـر شّـيّ هِآآيّ بّـكلَ بّـرآآآدُ آتُيّيّبّـ دُرجَ ـآتُ آعَ ـلَـى عَ ـنٌجَ ـ؟؟
آنٌآ آلَوِآآجَ ـبّـ آلَوِآآجَ ـبّـ مِآ آخٌ ـلَيّيّ حً ـدُ يّغّ ـشّـشّـهِ مِنٌيّيّ..
قَقَهِــــــــًر وِآلَلَهِ .. كيّفُ مِتُحً ـمِلًَهِ آنٌتُيّ كلَ هِآآ؟؟
لَآتُعَ ـطٌيّيّنٌهِآ وِيّيًّهِ سًسًـوِوِيّلَهِآآ طٌآآفُ.. وِإذٌآ تُمِآآدًُتُ فُتُنٌنٌيّيّ عَ ـلَلَيّيّهِـآآإ.. -_-ً
آآخٌ ـرر زَمِنٌ آتُذٌآكريّنٌ وِتُتُعَ ـبّـيّنٌ..آتُيّيّ آتُغّ ـشّـ عَ ـ كيّفُ كيّفُهِـآإ.. وِبّـآلَهِآ مِرتُآآحً ـ..
آلَلَهِ بّـيّرآآوِيّيّهِـآإ هِآيّ آلَيّ مِآتُخٌ ـآآفُ ربّـهِآ..