متى أجهزا حج البيبي؟

السلام عليكن خواتي
أنا الحين في الشهر السادس وجالت لي ادكتورة اني بربي في أول شهر عشرة وبس ما اعرف متى اشتري حج البيبي لاني الين الحين ما شريت شي
وششششششششششششو اشتري حجة لانة بكر وجالت لي الدكتورة ان فيني( بنت )
وانا أخاف اني أكل رمضان لان كل الي يسالني متى بتربين اجولهم في اول شهر عشرة يجولون لي جنج بتاكلين رمضان وانا خايفة

اولا مبروووووك حبوبة،،
افضل لو تبيدين تجهزين الأشياء من الشهر السابع،،،
وخلصي قبل الثامن لأن احتمال تتعبين في الثامن من الوزن …
ويمكن هالموضوع يفيدج عن التجهزيات:
https://forum.uaewomen.net/showthread.php?t=299688

اذا رمضان بيبدأ 22-8 فاكيد بيخلص في نهاية شهر 9 وحتى لو ربيتي قبل موعدج بتفطرين كم يوم وهذا بسيط لا تخافين بس ماعتقد بتربين في رمضان .. ان شاءالله بتكملينه كله

وابتدي من الحين اشتري وجهزي عشان تكونين ع الراحه .. وربي يسهل عليج يارب وعلينا

الله يسهل عليج ويقومج بالسلامة انتي والنونو
ابدي اشتري من آخر السابع واول الثامن
و خذي اول شي ملابس داخليه ولباس بس مب وايد يكون نيو بورن بس لا تكثرين منه لانه الياهل ما شاء الله عليه اول الاسابيع يكبر بسرعة وخذيلج لبس وملابس داخليه مال 0-3 على الاقل 6 ولا 8 مع 5 قماط و الخشة مالت الياهل 3 والشنطه و فوطتين او ثلاث حق السبوح وادوات الحمام تييج طقم الي هي شامبو وصابون و لوشن وكريم وكلينكس و خذي بعد بامبرز و حوض صغير عشان يوم تسبحينه و زلاغات و طواقي و قفازات والمنز وفراشين او ثلاثة حق المنز
وفالمنتدى البنات حاطات وايد مواضيع عن هالسوالف خذي لفة عشان تستفيدين اكثر
وسمحيلي على القصور
الله يسهل على كل حامل حملها و ولادتها ويقومها هي والنونو بخير وسهالة

أفضل تالتجهيز يكون من السادس إلى السابع لان بالثامن والتاسع الوحده تتعب والرجول تتورم ماتاخذ راحتها بالطلعه والرجعه والفرفره بالاسواق
والله يهون عليك يارب
واي شي تحتاجيه من تجهيزات موجود عندي لو حابه تشوفي راسليني ومايصير خاطرك الا طيب

جهزى من الحين

جهـزي من الحيــن الغاليهـ ^^

دامج اتعرفين جنس البيبي

وربي يسهل عليج ^^