هذا حملي الثالث بس ها الحمل متعبني وحام على ترجيع والحين فيني فقر دم والتهابات والله كل هذا يهون لو زوجي يحس فيني شوي تخيلو من اول حمل اتوحم واشتهي اكل وما احصله؟؟؟
المهم اول حملين خلاص راحو بس الحين المفروض يحس جدام عينه ما اكل شي وارجع وقوله تعبانه وعادي بس يقول ريحي ارقدي؟!!!
والله يا بنات متوحمة على البشاميل من مطعم معين يسويه بطريقة لذيذه واقوله ولا ييبلي يقول بس من المطاعم؟؟؟ انزين انا ابغيه؟!!!!!!!
في البيت (بيت اهل زوجي) والله المطبخ ما اقدر ادشه ريحته ****ه احس اني برجع امي وخواتي بعيد عني ولا هم ما بيقصرون حتى قالتلي اختي مع انها في الاربعين بسويلج وبطرشه مع انها بعيدة…
والله يوعانه خاطري في البشاميل يا حسره والله ساعات احس بغيرة من البنات يوم وحدة تقول ريلي لف الديرة كلها عسب ييبلي الشي الي اباه وانا مرة قلتله باليل خاطري بالبشاميل قال ما عندي سالفة اطلع كل ها الدرب عسب بشاميل؟؟؟؟ مع انه طيب بس ما ادري هل هو ما يفهم مع اني اقوله هذاوحام وربعه يخبرونه
ساعات اقوله تعبانه ابغي اسير العيادة يقولي خذي السيارة وسيري شرات اليوم تعبت في الدوام وقلتله قال ما اقدر اطلع من الدوام خذي السيارة وسيري (نحن نداوم في نفس المكان) سيارته كبيرة ما احب اسوقها وقايلتله في حملي هذا ما اقدر اسوق والله طنشني سرت العيادة ورديت وعلطول رججعت في حمام الدوام…
بس ابغيه يحس فيني اقوله يوعانه ما كلت شي من الصبح خاطري في الشي الفلاني يقول حتى انا ما كلت شي من الصبح احين انت تقارن نفسك فيني؟؟؟؟؟
الله المستعان
ربي لاتذرني فردن وانته خير الوارثين…….ربي لاتذرني فردن وانته خير الوارثين………ربي لاتذرني فردن وانته خير الوارثين
المهم حبيبتي ان كان على البشاميل انا بسوي لج فالج طيب صج اتكلم بس قولي وين تبيني اييبه لج لو كنتي من سكان الشارجه تراني بين كل فتره وفتره اسويها يعني بزيد لج ولا تقولين بخاطري وانتي بفترة وحام وان كانته اختج بيعيده كلنا بالمنتدى خواتج ومابينا فرق
لا تستحين مني خبريني وين بيتكم على الخاصه او البقاله اللي عدال بيتكم بعطي الهندي يوصله لج
ا
