شخباركم ان شاء الله بالف خير ….
الامهات صاحبات الخبرة متى بديتي تعودين اولادج يروحون الحمام بروحهم وشليتي عنهم الحفاظ … وكيف كانت البداية …
انا عندي بنت عمرها سنه و4 شهور ولمل اقوللها يالله بسبحج تقول ( حمام) وتروح ركض للحمام…
حاولت كم مرة اشيل الحفاظ بس اتم ساعة تقريبا وتعملها…… وتخيس الدنيا ..
ان شاء الله الامهات يفيدوني …
حبيبتي كل اليهال جذه بس يبالهم تعب شوي………
جبيبتي طول النهار لا تلبسينها حفاظ وكل ربع ساعة وديها الحمام وخليها تيلس ….. بس انتي طولي بالج عليها……
وكرري دخلت الحمام كل مره عشان تتعود …..
بس بالليل لبسيها البامبرز ……
وان شاء الله تستجيب…..
ادعي لبنتي بالشفاء العاجل غير الاجل ……
تراج بتتعبين بس طولي بالج وماشي ايي بالسهل ……
انا ولدي عمره سنه وسبع شهور .. يوم احس انه بيسويها .. الكبيره مش الصغيره .. اوديه الحمام وايب له قصص ونيلس نشوف الصور ونسولف .. وتعبت منه والله .. يوم ييلس على القصيريه في الحمام مايسويها وعقبها اغلسه والبسه بابمرز يسويها !!!!!!!
المشكله اني اشتغل .. ومش كل الوقت له !!؟؟
والله يشفي بنتج ان شاء الله بحق محمد وال محمد ويخليها لج
لان أقل عن سنتين احس بعدهم صغار مايفهمون
تعليم الولد على الحمام أسهل من تعليم البنت..
شوفي اذا انتي ناوية خلاص تبدين تعلمينها ( الصيف أنسب فترة ) … شيلي عنها البامبرز في النهار والليل …
لأنه الطفل من يتعود عشي مايخليه …
ابدأي وياها من سنتين أحسن …