بالمختصر بنات منو جربت فندق هيلتون شو رايكم فيه من حيث النظافة وخاصة الحمام عزكم الله ويوفرون كل شي يعني سرير للاطفال ومن ها السوالف .. ومن حيث القرب للحرم بعيد ولا يحتاي مواصلات ..
واللي تعرف فنادق او شقق زينة بعد في مكة تخبرنا والكل باذن الله بيستفيد خاصة انه موسم العمرة
انتظر ردودكم الحلوة
وكنت ساكنه في فندق هيلتون (مب الأبراج)
نظيف ومرتب وقريب من الحرم وما يحتاي سيارة ابد
انا خذت غرفه مطله على الحرم في الطابق ال 28 ^ ^
قعدت فيه 4 ليال كل ليله بـ 700 والفطور كان مجاناً
واستانست على الاطلالة الصراحة سبحان الله عمره ما يفضى الحرم ناس داخله اس ظاهره
وتحسين باحساس حلوووو وغريب >>> اول مره تسير
في أعمال صيانة بس مو هالكثر حشرة وما كان مأذنا أبد
وييبونلج سرير يكون مثل المحبس بس ما أذكر كم خذونا عنا
ولازم تسيرين من وقت لو تبين تصلين في الحرم خاصة صلاة الجمعة لأنه يكوون وااااااااااااايد زحمة
اممم شو بعد
الأسواق والمطاعم قريبة وكااااااسريهم واللي ما يطيع خليه يولي لأنه واااااايد مبالغين في الاسعار
وممكن تحصلين نفس البضاعة عند محل ثان بسعر أقل . والأكل مب شي اللي في اسواق الأبراج إلا السينابون وهارديز خخخ
بس في مطاعم هندية وباكستانية على الشارع اللي ورا الأبراج يقدر ريلج يرووح مشي اسعارهم رخيصة
واكلهم حلو في مطعم باكستاني خذنا منه رز بخاري ودياي مشوي على الفحم ومطعم هندي اسمه الطيبات البرياني مالهم لذيذ
واذا تبين رقم تاكسي يوصلكم من الفندق للمطار بـ 150 خبريني
لأن اسعار تكاسي المطار 200 وفوق حتى تكاسي الفندق نفسه
بس السيارة صغيرة وتكفي 3 اشخاص بس .
والسموحة عل الاطالة 
الريوق
وحتى في الحرم
نحنا ما نحب نغير عنه دووم نحجز فيه
عمره مقبوله مقدمــــا ً
و بخصوص الحشرة و البنيان حاولي تاخذين غرفة مجابل الحرم بالضبط بس بعد ما كنا نسمع ازعاج الآلات و البنياي مكيفه باااااااااااااااااااارد وها اهم شي … تعامل ادارة الفندق حبيتها صارت لي مشكله بخصوص الدفع لانه بطاقة الفيزا عندي ما شتغلت اول يوم بس حليلهم دخلوني الفندق و سكنا و اليوم الثاني اشتغلت البطاقة ..ولا ما حسبوا لي اول ليله ….
و جريب من الحرم انا كنت اسمع الاذان و اتوضأ وانا في الفندق ونزل الحرم يمديني اثلي ركعتين قبل ..
انصحج فيه ،، وفي محل فوق في السوق يبيع قطنيات وبجايم نوم و جلابيات تجنن ههههه