شخباركم علومكم شو دنياكم اليوم يايبه لكم رجيمي الي استمريت عليه شهرين
وخبرت خواتي وربيعاتي وسوووا وياي
وعندي لكم احلى خبر في الاسبوع تنزلوون 2 كيلوووووو بس التزاااااااام واجب وبخبركم
اول اسبوووووع وثاني اسبووووع وثالث اسبوووووع ورابع اسبوع يعني شهر كامل اتمون ع الرجيم وبعدين تكسروون ثلاثة ايام بس خفوووا الدعسه هههه يعني لا تاكلون وااايد وادحون كل الي في البيت 
الفطووور:: بيض مسلوووق ع حسب يعني في البدايه الوحده متعوده الاكل بكميه كبيره بس تبدا حبتين وتخفف بس الافضل بيضه وحده ويا لبن قليل الدسم
الغدا :: تشوي دياي بس بشرط تكون صدوراو لحم او سمك ع راحتكم وتاكل ويا خبز اسمر واذا تبين تضيفين يعني تسوين سلطة دياي يعني خيار وخس وطبعا الشوي بدون زيت .
تقدروون تسون سلطة بس بشرط تتكون من خس وخيار وبس الطماط ممنوع .
العشا :: لبنة قليلة الدسم وسليس اسمر ومرتديلا ع حسب الرغبة لحم او دياي .
بس شرط ولازم تمشين كل يوم ع الاقل نص ساعه الي تقدر تمشي ساعه افضل وافضل .
الرجيم مب معناته نحرم نفسنا من الاكل بالعكس ننظم اكلنا .
ملاحظه :: اذا حسيتوا بيوع بين فترة الفطور والغداء والعشا كلي خيار او تفاح او كيوي او اناناس .
وقبل كل وجبه لازم تشربين غرشة ماي صغيره لازم لازم وطبعا حرمان تام من الكاكاو والحركات هاذي >>>والله عذاب ههههههههه
وفي عصير خاص للرجيم يبيعونه في الصيدليه عصير خالي من السكر وفيه فيتامينات .
والي تدق في راسها تشرب شاي تشرب شاي الاخضر وطبعا سكر الرجيم .
ونصيحتي لكم يعني كل ما تنشين الصبح سووي لنفسج جوي يعني مثل هالعبارات
يا سلاااام اليوم باكل >>> فرحي نفسج
يمي يمي بسوي حق عمري جو بشوي >> قصي ع عمرج
واهم شي الاراده يعني شجعي عمرج ولا تتكاسلين شرات بعض البنات ششوفوا عبارتهن
اففف ببدا في الرجيم
اوووهوووا اليوم ماشي اكل
سمعتوا الالتزام وااجب ولاتنسوون المشي اهم شي
على فكره انا واختي واربيعتي سوينا وبدينا الرجيم وكان وزني 75 ونزلت لين 66 بس ماكملت لان صارت لي ظرووف والكل لاحظ ضعفي وضعف اربيعتي واختي
وسلامتكم والي عندها اي سؤال تسال وفالها طيب وبجاوبها
انا باديه في نظام قريب من نظامج
اتريق بيضه.. الغدا شي بسيط جدا من الموجود.. العشاء شابوره و روب اكتيفيا
بس مشكلتي في الويكند.. يبالي.gif "12 (82)")