مجرد تفكير يراودني وقلت مابقدر اغط في نوم عميق لين اطلع هل التفكير وافضفض به ..
خاصة هل الفترة مااقدر اقول لحد كل الي اعرفهم احس بهم مشغولين مب مستعدين يسمعوني ..
المهم الله يسلمكم كلنا متفقين انه الزواج في النهاية رزق ونصيب الي مب فاهمتنه وشاغل تفكيري .. ليش في ناس لها معارف واصدقاء وتعرفينهم عدل ويعرفون اهلج واخر شي تنصدمين بأنهم جاري البحث عن زوجه لواحد من اخوانهم وباليوم الثاني تسمعين خبر بالملجه .. وانتي جدامهم .. ويمدحون فيج وكل شي .. وانتي عارفه انه هذا اختيار خواته واهله .. ويكون شخص زين .. مب شرط تنعجبين فيه لكن ع الاقل سامعه عنه انه دارس ويشتغل ورتبه وخلوق .. وانتي مب ناقصنج شي !!!
شو المشكله ويين في البنت ولا في اختيار اهل الخاطب ولا في اهل البنت .. في ناس تظلم البنت بس بسبب سمعة الاب او بسبب خوف من مشاكل يمكن حتى ماتستوي .. ليش احس انه هل الشي يخلي البنت تعيش في دوامه تتريا شخص زين سامعه عنه محترم وتحسه يناسبها اخر شي ما يمر شهر او شهرين يخطب !!!
نحن يوم ندور لاخواني دايما نبدا بالقريب ثم البعيد حتى لو متأكدين من رفضهم لانه محد يعلم يمكن يستوي لهم نصيب … بس يوم تي علينا ماشي حط حاط خشاه ع عيونهم .. ترى انا واختي ومتاكده في وايد بنات مثلي …
هل الامور والمواقف غصب تخلي البنت تفكر في ملييون سبب .. اهلي … شغلي .. سواقتي … القصر الطول الدراسه التخصص … مشاكل قديمه تسربت للناس … طلاق القرايب .. طلاق الاب والام … زوج الام او زوجة الاب …
هل فعلا في اسباب تصرف الخطاب اسباب واقعيه بغض النظر عن النصيب لانه هذا الشي عند الله يعلم به لانه الله يعلم وين الخير لنا
و أكيد أهل البنت و حسبهم ونسبهم و مشاكلهم لها تأثير وأحياناً طبيعة شغل البنت و أسلوب حياتها كلها لها دور فهالموضوع
عسى الله يرزقج بالزوج الصاالح الي يريحج و يسعدج آمين يا رب
و اكيد الناس يطالعون اول شي لانفسهم و شكلهم قدام الناس و يدورون العثرة
بشغلات لا علاقة لها لااا بالدين ولا بالواقع
بس جي عادات و تقاليد او مرض نفسي يخليهم ما يشوفون الحقيقة الا بعد حين
الله يرزقج بالزوج الصالح الي يسعدج ثم يسعدج ثم يسعدج
وساعات اتي من الريال نفسه
شي رياييل يتشرطون يبون حريمهم بمواصفات معينة ويعورون راس الأهل لين ما يلقونله وحده تناسبه!!
ربي يوفقج ويرزقج من الخير كله
ويمكن هالشخص مايناسبج فخليى معنواتج مرتفعة وثقتج بنفسج كبيرة طبعا والله يرزقج الزوج الصالح العطوف
وكلامج صح 100%