مجمع مكه لتخفيف الوزن

بنات ابي اعرف عن مجمع مكه شو رايكم فيه يقولون فيه دكتور اسمه سمير او سامي سمير لانقاص الوزن وسمعت عنه انه ينزل الوزن بسرعه وانه وايد ممتاز في موضوع انزال الوزن وانا الحين ابي اروحله وطبعا لازم انزل 30 كيلو فشو رايكم الله يخليكم اللي جربت عندهم تفيدنا . ومشكورات مقدما

حبوبه انا جربت رجيم مكه بس كان فيها الدكتور محمد الشمري

رجيمه حلو وينزل بس المشكله الحبوب اللي بيعطيج اياها مش اوكييه

صدقينيه انا نزلت عنده تقريبا 5كيلو بس عقب زاد وزني مرتين مع ان اكلي نفسه !!!

اذا حابه بنزلج الرجيم وسويه بروحج في البيت بدون الادويه اللي يعطيج لانها ما تفيد يا الغاليه وهذا هو الرجيم لعيونج الحلوين

الفطور

1. عصير جريب فروت الصفا او لاكنور او طبيعي
2. شاي او قهوة بدون سكر وبدون حليب
3. قطعة جبن قليل الدسم (4شرائح) او بيضة مسلوقة واحدة

الغداء

1. سمك أو لحم بقري أو دجاج منزوع الجلد.. مشوي او مسلوق ( الكمية مفتوحة)
2. عصير جريب فروت
3. سلطة خضار
4. شوربة خضار

العشاء

1. بيضة مسلوقة عدد اثنان
2. أو جبن قليل الدسم ( 80 جرام )
3. أو مارتدلا بقري أو دجاج تركي ( 4 شرائح)
4. أو تونة مخزونة بالماء
+ سلطة خضراء ( الكمية مفتوحة)

ملاحظات مهمة جدا

1. جميع أنواع الزيوت والسمن ممنوعة تماما
2. يؤخذ شاي الاعشاب (ROYAL ) لتفادي الامساك
3. يجب شرب كميات كبيرة من الماء 8 اكواب يوميا او الشاي الاخضر 3 مرات يوميا بدون او مع سكر بديل
4. عند الاحساس بالجوع يمكن تناول خيار وخس وطماطم بين الوجبات وباي كمية
5. يمكن تناول الشاي والقهوة بدون سكر او استعمال سكر الكاندريل (يوجد بالصيدليات)
6. الخضروات مسموحة عدا الجزر والبطاطا
7. الفواكه ممنوعة كليا
8. يمكن اخذ الماء مع الليمون بدون سكر او مع السكر البديل
9. ممكن اضافة خل التفاح او الليمون مع الاكل والسلطة
10. ممكن استخدام جميعانواع البهارات
11. تؤخذ الاسماك الخفيفة او التونة المخزونة في الماء
12. الدجاج يجب ان يكون منزوع الجلد والدهن قبل الطبخ
13. يفضل عدم اكثار ملح الطعام لمنع احتباس السوائل بالجسم

والطبيب قال اول اسبوع من الريجيم لا تمارسون اي رياضة

انا اعرف 2 نزلو عنده اكثر من 40 كيلو والله من شفتهم انصدمت المشكله حلو بس ربيعتي كانت دبدوبه وايد تقريبا نزلت فوق الا ربعين الحين شكلها عيوز ومسمرة وايد…. الضعف وايد ترى هب حلو والثانيه صح ضعفت والحمدلله كل شي اوكي ويها بس بطنها متهدل الصراحه هو يقول لا تسوون رياضه انزين كيف الجسم بينشد من دون رياضه ……….؟ يقول اخر شي انزين الحين وصلو للوزن المطلوب بس جسمهم مش مشدود وكلها تشققات من التغيير الكبير هذا

الله يوفقن دنيا واخره ومشكورات وايد

انا الصراحة سبق وسويت رجيم مع دكتورة مثل الي ذكرته الاخت وكان رائع نقصت عليه 9 كيلو وماانكر انهم رجعوا لاكن على سنتين والمشكلة اني ماسويت تثبيت وزن
هو مفروض اذا سويتي رجيم اسبوعين تثبتين اسبوعين وزي كذا

انا حاليآ اسوي حمية اسكارسديل تجننن ان شالله بنزلها في موضوع منفرد تنزل 7 كيلوو في اسبوعين ومعاها اسبوعين تثبيت

الشيخة 1 شو رجيم اسكار سديل ؟؟؟؟؟؟؟؟؟؟؟؟؟