محادثه عالمسن!

*لا والله شي
*اول شي مبروك عالهدايه

*الله يسلمج وايد اشيا تولفت .. ضيج على نكد على حياه ممله متروسه معاصي واغاني وصلوات تتفوت وصلواات تتاخر … صح اضحك بس ليش ياربي اقضي ليلي كله صياح ؟؟؟.. بتستغربين انا اصيح!!!.. هيه انا اصيح .. انزين ليش وشو السبب؟ … من دون سبب …كل هذا لانه يا ….. اللي يعرض عن ذكر الله تكون معيشته ضنكــآ.. ونستغرب ليش نحن مضايجين وليش نحن مب متوفجين … لانه ربي عطاني نعم كثيره وانا جحدت بها .. عصيته وهو منعم علي…
*كيف ادعي ربي يحقق لي امااني !!!؟ وانا اعصيه ؟؟ … كيف؟,,,, شفت قصص وصارتلي موااقف وايد اكدت لي انه كما تدين تدان وانه العاصي له عقااب في الدنيآ والاخره … وشفت وايد انه اللي يكونون مع الله تكون حيااتهم ماشي احسن عنهاا .. ولو دعوله استجااب لهم .. لانه ربي ما يخلي عبده…
*مساق من المساقات اللي ادرسهاا واللي هو فكر اسلامي .. طلب منا الدكتور نسوي تقرير او نحفظ ايه طبعا خويتج قالت تحفظ ايه اسرع واحسن لها من دون عبالة البحوث والتقارير… ومادرت انه هالشي بيغير حياتها … ارمس جد حياتي غير الحين …
*بديت احفظ صفحه صفحتين .. اقرا الا جذيه بس عشان احفظ … بعدين بديت اقرا الاياات بقلب .. اقرا من خاطري اتمعن وافهم … شفت معاني وايد كانت غايبه عني من قبل .. شفت انه الله خلقنا وانعم علينا وومن واجبنا انه نحن نعبده ليل ونهار .. ان الله عطاانا نعم وايد ليش جيه نسوي ليش اخطي؟؟ … ليش اخلي شي سخيف فالدنيا يحرمني من الجنه ؟؟؟؟ ليش اسوي شي سخيف واتعذب عذاب من ربي !!!؟؟ لهدرجه الدنيا غاليه .. ولو هي غاليه ليش ما احس اني مرتاحه فيها؟؟؟
*كله اقرا واسأل نفسي… ليش انزين مادام انا اخترت هالطريق واني اكون بهالشكل ليش اصيح دوم ؟ ليش مضايجه بدون سبب ؟ ليش ؟؟؟؟؟… لاني بكل بساااااطه خلقت عشان اعبد ربي مب عشان شي ثاااني …وبديت احفظ الايات من قلللللللللللللللللللللب
*وقررت ونويت بإذن الله اني احفظ القرآن كله يااارب ويارب يحفظه فـ صدري …بديت احس بالصلاه لذه
*بالقراءه لذه
*يوم اسمع محاااظره اسمعها بقلبي مب بإذني
*خلاص استوت كل جوااارحي تبا انها تعبد الله ما ابي شي ثاني والله
*بعدها قريت آيه تقول ولا يبدين زينتهن الا ماظهر منها …وقعدت افكر انه نحن نسير الجامعه وما نتغشا ولا نتغطا عن الاساتذه والهنود وغيرهم وهم حالهم حال غيرهم حال اللي برع يتمون رياييل
*دام ربي امرنا نتغطا المفروض اتغطي عن الكل … … واستشرت وسألت واايد ناس .. هل انا أؤثم على الشي اللي انا اسويه ؟؟ اني اظهر ويهي واتحجب فالجامعه … منهم لي قال هيه ومنهم لي قال لااا…
*بس قلبي يقولي اني أثم … انا ماعلي من حد ربي امرني اتغطا وانا بمشي على كل شي اقراه فالقرآن وفالسنه .. بمشي عليه بإذن الله وقررنا انا وفلانه وفلانه نتنقب بإذن الله فالجامعه
*اقولج يعني وايد امور تغيرت وايد امور صارت وايد موااقف خلتني اتاكد اني كنت عايشه غلط والحين ببدا صح واسأل الله يغفرلي ذنوبي .. وبس خلاص هاي هي كل السالفه

*ابدي احفظي ايات من القرآت … بينور القرآن قلبج … ابدي سمعي محاظرات عشان ايمانج يقوا …. ابدي اقري زياده عن الدين وقصص وغيـره…. وراح ترتاااااااااااااااااااااحين والله وما اقولج هالكلام الا جذيه وربي احس بهالشي من الخاطر

كلام وايد قلناه بس كل اللي بغيته منكن تنشرن هالرساله لاكبر عدد ممكن ف مدونة وجروبات وبدعيلها دنيا وآخره اللي بتوزع هالرساله