محتااااااجه مساعدتكم محتاجه نصايحكم محتاجتنكم سند لي

السلام عليكم خواااااااتي

عارفه انكم ما رااااح تقصرون معاي .. مثل المره اللي فااااااااتت

ما انسى وقفت كل وحده فيكم معاي ونصايحها ودعواااااااتها لي

يزااااااااكم الله الف خير وفي ميزاااااااان حسناااااااتكم يارب

ولاني شفت وقفتكم معاي

ييتكم اطلب مساعدتكم ونصايحكم .. طبعا اللي ما يعرف عني ترى انا مطلقه وعندي اعيال

العيال في حضانتي .. طليقي على كلامه ما عندي وما عندي اخر مره فالتوجيه الاسري حددوله مبلغ

اللي هو 1500 درهم مصروف شهري يطرشه لي .

ومن غيرها المستلزمات المدرسه من شنط ودفاتر والمكتبه وجيه كلها هو مسؤول عنها ..

وهذا كله كان مقرر وتم الموافقه عليها على حسب رغباته .. لانه هو طلب جيه

ما عنده يزيد مصروف فوق 1500 قال انا بشتري الاغراض لاني ما اقدر ازيد ..

قلنا اوكي

الحين الحمدالله حكامنها الله يطول باعمارهم ويخليهم لنا ذخر يارب ، ما قصرو وطبعا كلنا عارفين

بموضوع الزياده .عاد زادو ما زادو ما اعرف … ما عندي اي فكره بخصوص هالموضوع …

طليقي مطرش هالمره 1500 مثل العاااااااااااده ..

انزين المدرسه اغراض المكتبه .. كيف السااااالفه ..؟؟

العيااااال محتاااااااااااجين تنعله وانتو بكرامه , بدل ريااااااضه .. كيف اسوي …؟؟؟؟؟

تعبت اتحمل المسؤاليه وهو غاسل ايديه .. ابغي اوقفه عند حده

هو مب غبي ولا انه غشيم عشان ما يعرف .. لكن انا بعدني قلت بخلي العيال يتصلون فيهم ويوصونهم

على هالامووور

لكن في حااااااالة ما سوى شي ..

وفي حالى رد وقال .. ( ما عندي اخترع لج افلوس يعني ) او شي من هالكلام سواء هو ولا اهله

شو اسوي ..؟؟؟؟؟

شورو علي .. لاني محتاجه لتجاربكم محتاااااااااااااجه بنصايحكم ..

محتاجه مساندتكم لي .. ابغيكم معااااااااي

الله يرااااضى عليكم

1500!!!!!!!!!!!! حرام عليه والله الا لو راتبه قليل بتكون هاي ارزاق
ليش ما تتوظفين حبيبتي وتفكين عمرج ما فكرتي تقدمين على الشؤون الاجتماعيه بيت الخير او غيره

الله يعينج ويصلح لكم الحال … هالمبلغ قليل بالنسبة للغلا الي عايشين وطلبات المدارس ماتخلص .. لازم حد يكون وسيط بينكم يقنعه بالمسايس والاسلوب الطيب ولا ينسى هييل اعيال في الاخير … الله يوفقكم يارب

هلا فيج يالغاليه ما قصرتي بمرورج غناتي

لو مريتي على الموضوع اللي طرحته قبل هذا بتعرفين انه بعد العيد طليقي تزوج واللي قهرني اني كنت طالبه منه بيزات عشان العيد اشتري بدل وجيه

وقالها ما عندي اخترع لج فلوس يعني ..؟؟

وعلى راس الشهر الا ريال متزوج ..؟!!

عاد متزوج على احساب الحرمه ولا على احسابه الخاص ما اقول غير

حسبيا لله ونعم الوكيل .. بس لو كان عنده وكان همهم انه يتزوج ..

يعني بدا نفسه على اعياله واحتياجاتهم …

ولو عن الشغل ليتني احصل

بس وين بلقى .. ما عندي شهاده غير اول ثانوي ..

تايه وربي مب عارفه .. لو عندي شهاده جان ما قعدة جيه بس وين الوظيفه اللي بلقاها على هالشهاده

وفي راس الخيمه

ودي افك عمري من هالضيقه اللي عايشه فيها

ودي وربي

انا محتاجه لدعمكم والله ابغيكم ترشدوني

الله يعين الجميع يالغاااااااليه

الله يسمع منج يارب ..

شو اسوي شو بايدي ..

ها الانساان من كثر ما هو صعب انه ياخذ وتعطين معاه ولا مع اهله

ما يفيد معاه التفاهم

هايل اعياله

عرف انه بفكر بمصلحته ويريح نفسه بس ما يعرف يريح العيال من طلباتهم واحتياجاتهم

ولانه هو مب ناسي .. يمكن ناكر

لانسان لو ينسى بالاخير يفتكر

لكن هذا من عرفته همه نفسه وبس اول شي هو وعقب اللي وراه

لا حول ولا قوة الا بالله العلي العظيم

الله يكون في عونج حبيبتي

حآولي تكلمينه وقوليله إن عيآله محتآيين له
وإذآ حسيتي مآشي فآيدة دوريلج شغل حتى لو شهآدتج ضعيفة سبحآن الله مآفي شي صعب على رب العآلمين
الأرزآق بإيد الله سبحآنه
وحآولي بنفس الوقت اتكملين درآستج لأن الشهآدة مهمة
مآشآءالله أمهآت وهم بالخمسين ويكملون درآستهم وإنتي بعدج صغيرة والحيآة جدآمج

لآ اتحطين إيدج على خدج وتتريين الحل يوصل لج
انت اسعي ورب العبآد بييسر أمورج

وربي يفتحلج أبوآب الرزق ويفرج همج ^^

ما شي فايده انا اعرف . الواحد لو بيسوي شي يسويه من نفسه .. ما يتريا حد يعلمه ويفهمه ..

ولو يسوي شي مهمها كان بسيط بعد عادي .. بس لا ..

انا عزمة اكمل دراستي باذن الله عالسنه اليايه ..جيه ما بقدر اتريا شي ..

صدقتي يوم قلتي ما في شي صعب جدام رب العااااالمين

بس لازم ادور شغل بعد .. لاني محتاجته للغشل اكثر الحين …

لانه هالوضع مول ما ينطاق قسم بالله

اشكرج على الكلام الطيب اللي شرح لي قلبي يالغاليه

يزاج الله الف خير غناتي

امين يارب الله يسمع منج ان شااءلله

ويفرج هم كل مهموووم يارب