محتاجه مساعدتكم يزاكم الجنة

اختي الغالية ,, أبغاج تحمدين رب العالمين ليل نهار على النعمة الي انتي فيها , ماشاء الله عندج مكان ساترج ويا أهلج وبدون ماتدفعين بيزات والله هذا الشي لازم تشكرين رب العالمين عليه ليل نهار ,, وسألينا نحن مأجرين ,, تحسبين الإجار راحة ,, لا والله عذاب وحرمان من وايد اشياء والحمدلله رب العالمين يضل أحسن من العراء ! ,, اختي شي وايد ناس ماعندهم ملجأ ومشردين في المدن ,, وريلج الله يسخره لج تقولين عليه ديون حرااااام تضغطين عليه وتزيدينه مصاريف إيجار ,, أنا لو أهل ريلي طلبو منا نسكن عندهم بروح اليوم قيل باشر بس محد عطانا ويه خخخخخ

فديتج أقولج قصتي عسب تحسين بالنعمة الي انتي فيها ,, وصح انج مواطنة بس لا تعتمدين على هذا الشي اعتمدي على رب العالمين , لافرق بين عربي وأعجمي إلا بالتقوى ,, المهم إيمانك بالله وشكرك للنعم الي انتي فيها ,, وصدقيني كل ماتشكرين كل ما النعم تكثر وسبحان الله كل همومج بتتفرج ,, رب العالمين يمهل ولا يهمل ورحمته وصلت الكفار مابالج نحن المسلمين ,, الجئي لرب العالمين ومابتخيبين