محتارة بس من اسلوبه

هلا خواتي بدخل في الموضوعا انا مقدمه للشغل في مكان حكومي و كل يوم اتصل اأسألهم عني المهم المسؤول عن التوظيف واحد مواطن باخر الثلاثينات المهم احسه وااايد مهتم باوراقي اكثر عن الباقين ومرات الصبح يتصل بس عشان يطمني و مرات احس يبي يطول في الكلام بس انا ما اعطيه فرصه بس احسه محترم بنات انا ماعر شو نيت الريال هل هو متعاطف وياي لاني محتاااجه الشغل او شافني طفرت فيهم يبا الفكه مني او شو واذا داومت عندهم اتم بعيييد عنه انا محتاره من اسلوبه وياي احس واايد مهتم في اوراقي بنات انا كتبت السالفه لاني ابا نصيحه الي بخاطرها تقثي برمسه لا ترد ع الموضوع

اختى لا تطنين بالسؤ يمكن الله مسخرة لج يساعدج ما تدرين مدام تقولين انة محترم والانسان ينعرف الطيب من الخبيث تعاملى معاة باحترام وفى حدود الشغل ولا تطولين معاة فى الكلام والله يسهل عليج

الغالية ، بس أنتي شو عرفج أن أنتي الوحيدة اللي يتصل فيها ، ؟؟؟؟؟؟؟؟؟

المهم لا تسيئين الظن قبل ما تتأكدين ، وإذا كان لج نصيب في الشغل استخيري وتوكلي على الله ، نحن نشوف العجب في دواماتنا لكن ما نقول غير الحمدلله على كل حال

شوفي اختي خليج رسميه معاه ولاتعقين الميانه
والواحد مايحط في ذمته اذا كانت نيته زينه اوشينه
ومدامج توظفتي خلاص لاتردين علي اتصالاته اذا اتصل اوخلي حد من اخوانج او الوالده اترد ويقولوله امر تبي شي
واذا كان في خاطره شي من ناحيتج بيي بيدق الباب
واتحملي في دوامج ترمسين عن اهتمامه فيج الناس ماترحم باجر كل حد بيفسر علي كيفه

رد لاختي الملاك الحالم كيف عرفت اني انا لي يتصل لي لانه اربيعتي مقدمه عندهم محد يتصل لها انا ما انكر انا وااايد مهتمه بموضوعي و اسال عن اوراقي فأنا بروحي قلت يمكن عشان انا وااايد شافني مهتمه بس انا بقيد نصايح منكم وكيف اتعامل وياه اذا حسيته وااايد مهتم و بعدين اذا اشتغلت الحلو في الموضوع انه النقاب مب ممنوع يعني بكون متنقبه بس ابا نصااايح اذا اشتغلت عندهم

يحق لج اتشكين اختي ………نحن في زمن اختلطت النوايا الزينه بالحسنه وكل ماحستي من صوبه بنوع من الخوف كل ماكان احسن ………حبيبتي الاتصال والسؤال عن وضعج في القبول او الرفض كله بايد الله انتي فوضي امرج لله وماعليج الا الانتظار ….ياماا سمعت قصص من هالنوع البدايه تكون تعاطف عقب دمار بيوت وخراب سمعه …لاتردين عليه اذا مب هو المسؤول فالتوظيف