شحالكن بنات عساكن بخيرر
آسفه على الازعاج بس والله محتاجه مساعدتكم لاني شبه ضايعه
انا الحين ابا اكمل دراستي الجامعيه و ماقدر ادرس الا مسائي لاني اشتغل الصبح
و المشكله اني محتاره في التخصص و في الجامعه
محتاره ادرس آي تي او شي من الاداره و ماعرف هل ادرسه في جامعة الحصن او جامعة الجزيرة
شو الاحسن في النظام كـ دراسه و منو منهم يراعي الطلاب اكثرر من ناحية الغياب او شهادة الايلس او التخصصات الخ بين جامعة الحصن و جامعة بوظبي
و شو التخصصات الي تتميز فيه كل جامعه عن الثانيه؟؟
انا سمعت ان جامعة بوظبي احسن عن جامعة الحصن من ناحية قوة الشهاده و سمعت ان تعامل جامعة بوظبي مب اوكي مع الطلاب و مافيه مراعاه لضروفهم و لو حتى التاخير خمس دقايق و حتى من ناحية الامتحانات و اغلبية البنات يشتكون منها و سمعت انهم يرسبون عشان الوحده تدخل ثاني مره و انها ماديه اكثر من انها تعليميه
و جاامعة الحصن يقولون انها يديده و شهادتها مب لين هناك بس يمدحونها اكثر من ناحية النظام عن جامعة بوظبي
الله يخليكم ساعدوني لاني محتاره حدي و اخر فترة تسجيل عندي يوم الخميس و مابقى حقي غير يومين عشان اسجل ارجووووكم الي تقدر تساعدني تساعدني بالي تقدر عليه و بكون لها من الشاكرين والله يحفظكم
معقولة محد عنده اي خلفيه عن الموضوع !!!!!!!!!!!!؟!؟!؟؟!؟!؟!؟؟؟؟
رررررررررررررررررررررررررررفع
للاستفاده
اختي انا خريجة ابوظبي…..و متخرجة منها امتياز و الجامعة معتمدة و قوية و ما فيها يمة ارحميني…علشان جذة الناس تشتكي…و هذا اعتبره فخر ان الجامعة غير مادية و هي صرح من صروح هالبلد و الله يخلي الشيخ منصور بن زايد اللي اسسها و على طول متابع مستواها و الشيوخ و الوزراء و على راسهم الشيخ نهيان بن مبارك على طول في مناسبات الجامعة يرعاها و ما يقصر………….بالمختصر اختي جامعة بوظبي ما تتقارن مع جامعات مادية و خاصة مثل الحصن و غيرها …فرق السما عن الأرض…جامعة بوظبي اعتبريها حكومية لكن بفلوس حالها حال التقنية و جامعة زايد و الدليل انا لما قدمت على وظيفة مدير المؤسسة قالي بنفسه انهم اختاروني علشان انا خريجة جامعة بوظبي………..لكن هاي السمعة مو من فراغ الجامعة وايد قوية ويبالها شغل و تركيز يعني اللي عباله بيطلع بشهادة بلوشي من غير تعب لا يروح حق جامعة بوظبي …………..
ان شاء الله ما اكون طولت عليج و اكون افدتج 