شخباركم جميعا
انا اليوم اول مرة اسير عند الدكتورة جهان في مستشفى دار الشفاء
وانا اول مرة حامل يعني محتاجة معلومات وايد
انا حسيتها زينة بس مستعيلة ، وما تقول شي إلا لما أسألها ،، واللي قهرني انها عطتني فوليك أسيد،، وانا من قبل سمعت انه دايما يعطونه الحوامل فسألتها : دكتورة شو فايدة هالدوا؟؟
هي ردت علي بس ضحكت وقبلها ،، كأنه سؤالي كان سخيف ،، ما ادري يعني مو من حقي أسأل 
شو رايكم اواصل معاها أو لا
الكونريش وايد يذمونها وانا صرت اخاف منهم والخاصة بعد ما اضمن الصراحة انزين شو اسوي،، مابا اتشتت يا جماعة ،، شو تنصحوني يا مجربات بلييييييييز
وابالنسبة للولادة وين احسن مكان؟؟؟ واحسن دكتورة ما اعرف ابا ابدا مع حد واستمر معاه
الله يسهل علينا جميعاً
حتى أنا شكلي بغيرها… سيري عند الكتورة ناااادية وايد زينه
بس المشكلة الوحيده هي الزحمة ويمكن يطول الانتظار
وان ما سئلتي يمكن بعد تطلعييين بسرعه فجهزي اسئلتج قبل لا تسيرين
اما الصبح الوضع اهدى
يمكن ارقى مكان وانظف مستشفى خاص شفته في بوظبي
المراجعه عندها شوي غالية اظن 300
وما برمس عن جهاز التصوير الي عندها..
شي رااقي ويديد وفي بوظبي كلها اظن اثنين منه
ويظهر لج البيبي بوضووووح وبملون..مب ابيض واسود
جيهان حبوبة جربتها قبل..بس جهازها شوي داااثر
وكان الكشف فوق والتصوير تحت بالسرداب..يعني تتريين مرتين
ولجذه اطفرت..لكن ذمة هي حبوبة..
انزين الحين ماعرف تشتت زيادة 
مافي ردين يشبهون بعض كل حد يمدح لي مكان
ادري اني حشرة بس هذا اول حمل وانا اصلا من قبل منتخوفة من الموضوع اسمحولي ادري غثيتكم بس ابا حد يريحني
لو بتين عندنا حياج الله ومن عيوني اساعدج..