محتاره بنوع اللوح اللي ممكن اعلقها في الميلس ؟؟

مرحبا بنات ..

نحن ميلسنا فيه ثلاث براويز مسوينها من الجبس ع الطوف .. بشكل متباعد ..

ففكرنا نعلق داخل هالبراويز لوح ..

بس محتاره بنوعيه اللوح اللي بنعلقها ..

انا اقول بنعلق فيها لوح هاللي تكون من غير براويز .. لوح رسم يعني ..

لأن لو فكرنا شوي .. الجبس اللي مسوينه يعتبر براويز ..

وانا اقول مب حلو برواز داخل برواز ..

والبعض عندي معترض يقول احلى نعلق لوح مع البراويز ..

هاللي تكون براويزها مذهبه ..

اممم انتو شو رايكمــ ؟؟

اللوح مع البراويز احلى ولا من غير البراويز .. ؟؟

نحنا مسوين فبيت اهلي رسم في فريم الجبس وبعض الفريمات قماش من نفس قطعه الكراسي ومنظره بس مخططه فطالع حلو وايد ..ممكن تستخدمين ورق جدران احلى من فريم في فريم

فديتج ترا من قبل كان فيها حركه نفس ورق الجدران بس مسوينه بالصبغ

بس عقب ماعدلنا ع الميلس ماشلنا الفريم اللي مسواي بالجبس ..

من جيه الحينه اقول بحط لوحات .. بس يا ترا اي من اللوحات احلى هذا سؤالي !

انا اقول ليش ماتجربين يعني ييبي لوح مع برواز وبدون وشوفي شو الاحلى

هنيه بتقتنعين الغلا

اختي اللوحات اللي ممكن تعلقينها نوعين :
١) من غير برواز …. بس لازم تكون أطراف اللوحة أو جوانبها الأربعه ملونه (ما ينفع تكون أطرافها بيضاء)

مثال : لاحظي جوانب هالصور …

(ملاحظه : الصوره هذي مثال فقط لأن جوانبها مبينه وأنا اعرف انها ما تناسب الميلس بس تناسب غرف الأطفال يمكن )

٢) لوحات ببراويزها ، وفي هالحاله ما تهمنا جوانب الصوره إذا ملونه ولا لا لأن البرواز يغطيها.

————————————

نصيحتي لج ، لا تحطين برواز لأن البرواز الخارجي يكفي … واستخدمي النوع الأول من اللوحات اللي تكون ملونه بالأطراف.

هذا رايي … وإذا مصره عالبرواز .. خذي برواز ناعم وخفيف.

اتمنى اكون ساعدتج …