محتاره مع ولديه!

شحالكن خواتي عساكن بخير

مابطول واااايد عليكن بس حابه اخذ نصايحكن واستفيد من خبرتكم

خواتي انا عندي ولد الحين عقب كم يوم بيكمل سنتين ومعودتنه انه خلاص من ينحط الغداء يتغداء ويانا

محد عندنا في البيت بس انا ويدته وابوه بس اخر الاسبوع ويانا

اول ماينحط الغداء يقعد يعفس ماياكل بيشل السلطه وبيجبها وبيجب الماي يعني مول ماياكل ولا يهني علينا باكل عااادي يجب الماي على السلطه ولا العيش

حتى وقت العشاء نفس الشئ مابا اعوده ياكل بروحه اباه ويانا يشاركنا بس ماشئ فايده منه قبل العشاء ولا الغداء ماعطيه شئ على شان يكون يوعان وياكل

بس ماشئ فايده يقعد يلعب ولا ياكل شئ حاولت اغريه ولحن ناكل وامدح الاكل وانا اكله احط لقمه في حلجه بس عااادي عنده من احطها طلعها

وااااايد محتاره وياه معنه من نروح عند اهليه عااادي بياكل الانه ماشاء الله عيال عندهم ويشوفهم مايقومون لين مايخلصون صحنهم

بس مااااقدر ايبهم عندي كل يوم على شانه يعني اذا يوا مره في الاسبوع او مرتين

انا عارفه وضعه يبا يهال في البيت يلعب وياهم وياكل وياهم بس الله كريم

السموحه طولت عليكم بس في انتظار ردكم عليه

المشاركة الأصلية كتبت بواسطة @أم عمر@

الله يعينج الياهل فهالعمر يباله صبر لانه يبدا يحب يعتمد ع نفسه وياكل عمره ..

ويعين الجميع الغاليه

احاول انزين اخليه ياكل بروحه بس ماشئ فايده بعده مصر انه يعفس ويخرب بس الله كريم

والسمووووووووووحة

المشاركة الأصلية كتبت بواسطة رويــانــة

ولدج مثل ولد اختي بالضبببببط

الحل يبالج خالة مثلي ههههه .. تصدقين انه ولد اختي اذا انا يالسة آكل يقعد ياكل ويسولف معاي ويخلص وينش يغسل ايده واختي تنقهر هههههه تقول اشمعنى معاج انتي يسوي اللي تبينه

شوفي انا مب خبيرة وتوني يايبة اول ياهل بس بعطيج من اللي لاحظته حواليني ..

اذا ولدج يحب شخص معين فعايلتج حاولي تخلين هالشخص يرمسه قبل الاكل ويشجعه ياكل بدون لا يعفس عليكم اكلكم ويقوله اذا سويت شطانة انا مابحبك وبزعل ولا بييك مثلا… أو .. جربي تاكلين انتي و ولدج بروحكم لفترة لنه شكله يبا يلفت انتباهج له بالكامل .. عقب قولي له مثلا ماما نروح نعطي يدوه ويدي من أكلنا ؟ فاذا وافق اثني عليه وكافئيه واذا عاند اصبري وكرري المحاولة

وهذا اللي عندي واذا لقيت حلول غير بخبرج

والسمووووووووووحة

مشكوووووووووووووووره الغلا على المعلومات ماقصرتي ان شاء الله بجرب وياه

بس مشكلتي انه البيت فاضي عليه بس انا ويدته وحتى ابوه ماايي بس الويك اند

بس من اروح بيت اهليه ياكل ولا حتى اسال عنه هناك الانه كل اليهال عيال اخوي يقعدون ياكلون وكل واحد ياكل ولا يقوم لين مايخلص صحنه
وهوه وياهم

بس ان شاء الله بتبع نصايحج

المشاركة الأصلية كتبت بواسطة ღღالزهراءღღ

الصبر ثم الصبر ثم الصبر"يبالج وقت غناتي لين ما اعودينه علي نظامج ولا تستسلمين لان اليهال من يتعود علي الشي ما راح يغيره"ربي يوفقج"

اكيد الغاليه واحاول قد ماااقدر اني ماااخليه يتعود باعكس اباه يتعلم ويتعلم على اسلوب الصح

ان شاء الله الله يصبرني الغاليه