بنات انا جد جد جد منحبطة من خااااااااااااطر
ويايني اكتئاب ومب رايمة آكل ودوم مصدعة
بليز ابغي تشجييعكم عسب اقدر اقاوم هالحياة
الشي اللي ابغي اقولكم ان الدوام اثر علي بشكل وايد سلبي على حياتي الشخصية بحيث ان تفكيري وايد يكون عن الدوام
وعلى آخر لحظة مديري انتقل لقسم ثاني ، حياتي استوت داون ..ما عندي ظهر وتفكيري كله استوى سلبي على سلبي
والله مب رايمة اتحمل الشغل ، عندي شغلة وحدة ومول مب رايمة اخلصها تفكيري تشتت
ومن اول ما طلع وايد يالسه اعتمد على زميلي في الشغل ..وانا اللي هي انا قبل كنت اعتمد على مديري اذا الشغل مب قاعد يخلص ..بس الحينة سرت عند زميلي ( مديري مؤقتا ) هو زلمة بس كلهم يقولون لي لا تعطينه وايد سالفة لانه راسه بيكبر ..واقوله انا بسوي كذا وكذا ، وابغي كذا وكذا
وصححح …الشي الاسوأ في المووضوع بكبره !!! ان الحين كل الموظفين قاعدين يطنشووني ..انا والله ابغي اخلص الشغل بس لازم اكلم الاقسام الثانية ..بس كل مرة يقولون لي بعدين وبعدين وبعدين لين ما أأجل ليوم الثاني …والله تعبت وانا اراكض وراااهم احس نفسيتي زفت
وفي شي تغير في شخصيتي ما عرف هل هو ايجابي او سلبي ..قبل انا مول ما كنت انطق في الدوام ..بس سلام عليكم وعليكم السلام ومول ما اخبر لحد مشاكلي ..بس الحينة مكتئبة وكله اتكلم عن مشاكلي حق كل حد اشوفه في الدوام ..والله استويت سلبية وانقل السلبية حق غيري …
واااايد قمت اتكلم ..اي حد اشوفه اكلمه ، وعقب اتندم ليش قلت ..بس والله مب رايمة اسككت اذا سكت احس انه في شي غلط ،
خلاص ابغي اطلع من الدوام بس اللي الالتزامات اللي علي اكبر من اني اقدر اطلع من الدوام اللي انا فيه
بليز هيلب مي ، شجعوني ! اعتبروها فضفضة لا اكثر لاني فعلا لايعة جبدي
غاليتي 
للاســف هذي نتيجــة الي يعتمــد على غير رب العالمين ونفسه بعــدهـا
لا تتعلميــن تخليــن مسؤوليتــج على غيرج ^_^
اهتمــي بشغلــج وثابري فيه
لإنــه أمانة في رقبتــج وبتتحاسبيـــن عليـــه ^_*
أمــا بخصوص كلامــج مع النـاس فلازم يكــون موزون ومب اي حد تفضفضيــن له ولازم ما يكـون ريـال أهم شي
لإنج انتي بتتكلميـن في صوب والريال عقلــه في صـــوب !! :]
دام دوامـج مختلـط الشي الي ما اشجعــج عليه ..
بس علـــى الأقــل خلي بينــج وبين غيرج حدود وضوابــــط لا انتي تتجاوزينهــا ولاهم يتجاوزونهـــا
واقري كتب واحضري محاضرات عن تطوير الذات
ومع الممارســة بتضبطين نفسـج وانفعالاتج أكثر
وربي يوفقج لكـــل خير
مب عيب تتكلمين عن همومج ومشااكلج لكن مب لاي حد0
حااولي فديتج تكونين قويه واعتمدي ع نفسج قد ماا تقدرين و طلب مسااعده
النااس مب عيب حبوبة0
اصبري وحطي همج بالاستغفااار والصلاااه والله يفرجهاا بقدرته ان شااء الله0
الله ايسر امورج وينولج الخير يااارب
اول شي استهدي بالله فديتج و تعوذي من الشيطان .. كل شي له حل لا توترين عمرج فوق ما انتي متوتره ..
الحمدلله انتي انسانه موظفه .. والله انعم عليج بهالوظيفه بالمقابل لازم انتي تعطين اللي عندج باحكام لهالوظيفه.. الوظيفه زيادة لحياتج مش كل حياتج فديتج ..
انتقل المدير ولو يا مكانه مدير يديد .. يا قلبي انتي عليج بشغلج انتي ونفسج انتي بس ..
لا تعتمديييييييييييييييييييين على اي حد منو ما كان شوفي شو المطلوب منج وسويه وبس !
بالنسبة انهم كلهم مطنشينج ..
حبيبتي .. اعتقد من كلامج انه تفكيرج مستوي سلبي فعلا وماثر على اللي حوالينج بالدوام سواء بقصد او بدون ..
وعاد انتي تعرفين محد يحب ياخذ ويعطي مع انسان سلبي ؟ ولا حد خالي من المشاكل عشان يحب يسمع مشاكل غيره بالاخص فالدوااااااااااام .. المكان اللي كل حد تقريبا يكون مضغوط فيه ..
انا ما اقولج لا تفضفضين فالدوام .. فضفضي بس شوفيلج حد معين زميلة تثقين فيها وقبل لا ترمسين تكونين متاكده ف داخلج انها بتخفف عنج مب تتحول افكارها وتكون سلبية شرات الافكار اللي تيج وبالتالي تطنشج وتبتعد ..
قبل لا تتكلمين .. اسالي عمرج .. انا بتكلم وبفضفض الحين .. يا ترى صدق برتاح "؟ هالشي جدير اني اطلع له اللي فخاطري ؟
شو الفايده تندمين بعد ما نقلتي السلبيه لغيرج حبيبتي ؟
النقطه اللي ابى اوصل لها ..
ثقي بنفسج .. كل يوم يوم بتنشين من الرقاد قولي الحمدلله على هالوظيفه غيري يتمنى بس مب محصل !!
حصني نفسج بالاذكار واستغفري كل ما تحسين اني مظايجه .. هالظيج بياثر سلبا عليج وعلى غيرج وانتي مستوعبه هالشي ..
لا تطلعين من الدوام بسبت هالافكار السلبيه .. عطي فرصه لنفسج ..لاتظغطين عليها شوي شوي عليها .. فكري باشيا ايجابيه قولي جمل ايجابيه .. انا اليوم نشيطه انا مرتاحه الحمدلله ، الدوام اظافه حلوة لحياتي .. قولي هالجمل صدقيني عقلج الباطن بيتقبل الشي وبتتغير افكارج مع التكرار !
ماعرف اذا قدرت افيدج ولا لا ..
اتمنى لج التوفيج حبيبتي وكلما تظايجتي استغفري وتعوذي من الشيطان ..
تحياتي لج