مخلاااااات

السلام عليكم جميعا…

بحط لكم 3 انواع من المخلااااات سويتها البارحة,,
مقادير الوصفة يكون بالنظر..يعني من كل نوع سويت غرشة وحدة فقط..
حجم الغرشة ..مال الورق عنب..او شوي اكبر

الخضار المشكلة
شرايح جزر
شرايح ثوم جبل مجفف((تلقونه بالمطحنة او عند الأيرانيين العطارين….))
قطع زهرة
مكعبات باذنجان
شرايح زنجبيل

نحطه بشكل عشوائي في الغرشة ونضغط عالخضرة عدل
عقب نحط عليه
ملعقة ملح
نص ملعقة كركم
ربع ملعقة حبة سودة ونص ملعقة كزبرة حب وبضع حبات فلفل احمر مجفف سواء مدور او طويل
ونصب عليه:
ثلث كوب خل ابيض ….وباقي الغرشة ماء حاااااااااار بحيث يغطي الخضرة تماما,,ونغلق العلبة,,,ونخليه 10 دقايق يدفى
عقب نخضه عشان تختلط المكونات عدل(( ترومين تفتحين العلبة وتذوقين طعم الماي,,اذا تبينه خل زيادة او ملح اكثر..حسب رغبتج..بس الكمية اللي انا ذكرتها مناسبة لي جدا))
ونتركه لمدة 10 ايام…وبالعافية

مخلل الطماط

بضع حبات طماط وسط,,واذا كان عندكم بيبي طماط يكون افضل
شرايح ثوم جبل مجفف
فلفل احمر مجروش حار وبضع حبات فلفل احمر مدور
نص ملعقة كزبرة حب & حبة سودا
ملعقة ملح
نص كوب خل اسود((عند الأيرانيين..وخبروه عسب المخلل…اما اللي في كارفور هذا نوع اخر..مابيعطيج نفس الطعم))
ربع كوب خل ابيض
وباقي الغرشة نعبيه ماء حاااااااار..
نغلق العلبة ونخضه بعد مايدفى..
تقريبا خلال اسبوع يكون مستوي..وعوااافي

مخلل اللفت

شرايح لفت ((المدور افضل من لفت طويل))
البنجر حبة كبيرة شرايح
طبعا كمية اللفت اكثر عن البنجر((شمندر…شلغم))
ملعقة ملح
نص ملعقة سكر
ربع كوب خل ابيض
وباقي الغرشة ماي حااااار ونغلقه ونخضه,,,ونتركه على جنب
تقريبا بعد اسبوعين يكون ممتاز..وعوافي

دعواتكم..

تسلم إيدينـج الحـــلوة على هالمخلالات اللذيذة
وايد أحب الثـوم الجبلي في المخلل لهـ طعم ونكهة لذيذة
مشكـــورة عالطرح الجميل وبانتظـــار اليديد من وصفـــاتج^^

ماشاء الله عليج ربي يوفقج

اختي انا من اسوي مخلل احمر واحط عليه خل على طول يتحول لونه على سواد مدري ليش

تسلم يدج ، الشكل روعه واتوقع الطعم اروع

ثوم الجبل وين ممكن الاقيه !! واذا استغنيت عن الخل الاسود هل بيتغير الطعم بشكل كبير !

لذييييييييييييييييييييييييييييييييييييييييييييذ

ثوم الجبل بأي مطحنة
لكن عند الأيرانيين متوفر بكثرة,,والصراحة الطعم يتغير من دون خل اسود