مدام زرت المانيا وغيرها قلت لازم ازور بلجيكا .

تسلمين حبوبة على الصور الغاوية ^_^

انا حاطه بلجيكا فبالي حق الصيف الياي اذا قررنا نسافر لأني ما سرتها من قبل =)

ما يبتيلنا كاكاو بلجيكي ؟ لول

اممم تبغين الصراحة ما احس ان عندهم شي مميز يعني نفس الماركات عندنا في البلاد و نفس الأسعار بس تدرين نحن حريم ما نصبر عن السوق ادماان

عطورهم حلوة و يوم تكون عندهم تنزيلات الأسعار ارخص عن اسعارنا بوايد و احس الريحة أقوى و مركزة أكثر .. و العطور بيحصلها في غاليريا كوفهوف و كرشتاد في المارين و اذا تبغين عطور قوية وايد و مميزة وفخمة و ماشي منها في البلاد عندج عطور TOM FORD شرات توسكان لذر TUSCAN LEATHER و اوود وود AUD WOOD ما تحصلينها الا في نيويورك و لندن و ميونخ ( محلهم داخل كرشتاد في المارين) .. و بعد شي محل عطور صغيير في المارين و بالتحديد على يمين الكنيسة في الزاوية ؛ عندهم عطور خباااااال من زيوت طبيعية و لمتد اديشون ماشي منها في البلاد

و بعد اذا عندج يهال شي سلسلة محلات اسمها C&a عندهم ملابس حلوة و عملية و رخيصة حق اليهال و مكان المحل في المارين ..

اممم نعولهم بعد حلوة و مريحة و أسعارها معقولة و شي محل كنا دووم ناخذ من عنده بس نسيت اسمه الحين ! بسئل اختي و بخبرج ان شاء الله

و بعد الكاكاو عندهم احس غيير و خصوصاً كندر سربرايز يمي يمي لذييذ و بعد شي محل كاكاو راقي نسيت اسمه بس مكانه قبل ستار بوكس عندهم كاكاو خبااااال و أسعارهم معقولة مب غالية وايد ..

اممم و بعد الماركات العالمية اسعارها شوي ارخص من عندنا و تنزل عندهم قبلنا بفترة ؛ يعني اذا فخاطرج شنطة ماركة تبغين تكشخين فيها قبل الكل بيحصلها هناك لول

و بعد شي كريم مرطب حق اليد روووووعه ما عندنا في البلاد و يوم نسافر المانيا كل حد يوصينا عليه لان فيه لمعة رهيبة تجنن و يرطب و ينعم اليد واايد .. اسم الكريم bebe young care و لون المعصار وردي و مرسوم عليه صورة يد تلامع خخخ و مكتوب عليه soft hand creem .. نحن يوم نسافر المانيا لازم نشتري منه بالدرازن حق أهلنا و ربيعاتنا ^^

بس هذا اللي على عبالي حالياً و اذا اتذكرت شي بخبرج ان شاء الله <– انتي خليتي شي ؟! لول