خواتي العزيزات … بنتي انقبلت في مدرسة الشويفات بس في ناس خبروني ان المدرسة تبشيرية وفيها اختلاط بين الطلاب الصغار والكبار في الصفوف والباصات وانه في وايد تحرشات اتصير للطلبات الصغار … ووايد من هذا الكلام اللي خوفني الصراحة وبنتي توها صغيرة في الابتدائي الاساسي وانا خايفة عليه
اتمنى اللي عندها فكرة عن الموضوع … من تجربة واقعية مب كلام … تخبرني وتساعدني في اتخاذ قراري باستكمال اجراءات التسجيل من عدمه..
والسلام عليكم ان شاء الله ما تخيبون رجاي فيكم
وسلامتج ……….
انا مب متاكدة بس سامعه عنها واااااااايد كلاااام مع انه الدراااااسة فيها وااااااايد اوكي بس قالوا التربية قبل التعليم
فانصحج ادورين مدارس ثانيه في عندج ليوا والاتحااااد واااااايد اوكي وبعد الامارات
هذيلا مدارس الخاااصة اللي سمعتهم ودرااااستهم زينة وقوية وبالتوفيق الغالية واستخير ربج ماندم من استخار الخالق
حابة اسمع راي الخوات اللي عيالهم في المدرسة
ارجوكم لا تردوني
والله وااايد كلام بتسمعين بس صدق مااايخصه الصراحة عن تجربة ولد اخوي في الشويفات اللي في راك
انا اوديه واايييبه ماشفت شيء وامه بيين فتره وفتره اتطب في المدرسة اونها اتدوي له غدى اتسير اتشووف
بس الحمدلله مافي شيء من هالاشياء وفي مشرفة يالسه عند اللك جي والابتدائي وفي مشرف يالس عند صفوف
الكبار وحتى في الفرصة اتلاقين المدير ومعاه كم من استااااذ يدورون في الساحه والممرات وحاااطين مشرفين
وبعدين في الباص اكييد بيكون في مشرف او مشرفه واذا عن تبشيريه هو مايخصه .. هو كل اللي في الموضوع انهم
يدرسونهم وماافي حفلات عندهم ممنوع اي حفل .. ولد اخوي في ك جي 1 وان بيكمل في ك جي 2 ..
انا ساااامعه في مناطق اخرى ايكون في كيمارات في الممرات ..
احسن شيء استخيري ^_^ انا عطيتج عن تجربة ولد اخوي