بسألكم سؤال جاوبوني بكل صراحة,,, شو رايكم اذا مديرتج في الدوام نقعت فيج خيانة؟
وشو بيكون شعورج يوم اتسيرين عندها وتطلبين منها تتفاهمين وياها عن التقييم تقولج انا مشغولة وتسويلج طااف لين يومج هذا؟ ولا ترد عليج ؟؟ مع انها قبل كانت اوكي وياج؟؟؟
شو بيكون شعورج يوم اتكونين يالسة على مكتبج ومديرتج تكون هناك وتسلم على كل الموجودين وتخطف صوبج اتشوفج وماتسلم عليج انتي بس, مع انها قبل ماكانت جي, شو بيكون شعورج وبكل صراحة؟؟
هل بطرشين لها مسجات من رقمج الثاني اللي هي ماتعرفه وتسالين عن السبب؟ هل بطرشين لها مسج من رقمج الثاني عسب ماتعرف انتي منو وتقولين لها انتي ليش تصرفتي وياي جي؟ لانها ماتعطيج مجال في الشغل انج اترمسينها فتحاولين اطلعين الحرة اللي بقلبج بالمسجات؟؟ وهي ماتعرف امنو اللي يطرشلها هالمسج؟ وتتصل فيج من رقم غير عن رقمها عسب اتعرف منو اللي يطرش بس انتي ماتردين؟؟
مشكورين مقدما
ان شاء الله الي عندهــأ خبرة تفيدج
اللهم ارزقني رزقا لاتجعل لاحد فيه منَه ولا في الاخرة عليه تبعه برحمتك ياارحم الراحمين .
اللهم صب علينا الخير صبا صبا ولا تجعل عيشنا كدا كدا
[[.. اللهم حرم النار على كل من قرأ هذا الرد ..]]
اللهم آمين ،،
بسويلها طاااااااف كبير ومابتاطلع في ويهها اصلا لو مرت حذالي …
طنش تعش تنتتعش ..
أطـرش لها مسجـات من رقـم {ما تعرفـهـ} ..
و اتـرد علي من رقـم { ما أعرفـهـ} ..
و بعديـن يعنـي ، الزبـده ><
حبوبـهـ ..
{المواجـهه} أفضـل شي ..
دام انهـ هـ التغييـر يا {فجـأه} و {بدون}
سبب معـروف ..
جي كـل حد بيعـرف شو اللي صاير ..
سواءً إنت ولا هـي ..
و اذا الرقم بأسمج .. عادي تكشفج ^_^
كلميها فيس تو فيس ..
و لا تعطينها المجال عشان تطنشج ..
يوم تخلصين شغلج .. دقي ع باب مكتبها و ادخلي و قولي انا عندي مشكله اللي اهي جيه و جيه
و انا التقييم ما عجبني و حابه اعرف على اي اساس صار هالتقييم و اذا انا عندي عيب .. من حقي اعرفه عشان مستقبلآ يكون ملفي ابيض و تقييمي حلو …
و شوي شوي اسحبيها بالكلام