أولا انا اشتغل في مجال تربوي يعني جامعة ووظيفتي إدارية
المسؤل في كليتنا او بمعنى اوضح عميد الكلية هندي
حاط دوبه ودوبي كل الشغل يفره على راسي مع إنه عنده ثلاث سكرتيرات
وكل شي عنده لا زم يتنفذ او رح تتعرضون للعقاب PUNISHMENT
طبعا العقاب يكون مفاجئ وكانه حد يصب عليكم ماي بارد
وشي ما تتوقعونه ….بس عشان يحرق اعصابنا
ممنوع النقاش كأنه نحن عبيد عنده
أبدا ما عنده اي مهارة في الإدارة والقيادة الحكيمة
عمره ما شكر حد وأثنى عليه ودوم يدور على الشي اللى ينرفز الدكاترة ويسويه
أسلوبه وسخ ومستفز وخبيث حتى معظم الدكاتره كارهينه
بس ما يقدرون يسوون شي لانه عميد كلية
ما نقدر انكلم إدارة الجامعة والسبب نحن الحلقة الاضعف
انا وايد مضايجة وما اعرف شو اسوي ….
كارهه شغلي واحس إني مضغوطة وأبي أنفجر
ما ابي اقدم استقالتي واخسر شغلي …….البطالة شينه
بس شو اسوي مع هالعميد ؟؟؟
والله الهنود طلعلهم راس
بس ليش ما تتيمعون كلكم وتشتكون عليه
وحاولوا تلاقون ناس وياكم واسطه وما يدانونه ويتشكون وياكم
كان الله في عونكم
لو استقلتي انتي الخسرانه!!
لو انتقلتي ما تظمنين منو بيطلعلج يمكن العن عنه!!
انتي سوي اللي يباه لين ما "يرضى" عليج وجيه بتسلمين من شره
والبنات ما بينفعنج هنيه
انتو دوروا الحل المناسب ووصلوه للشخص الموااااطن المناسب
عندكم التعليم العالي
واطلبوا تحقيق
وان شاءالله تتعدل اوضاعكم يارب