السلام عليكم
حبايبي انا سويت حقن مجهري عند الدكتوره عواطف وحنا وماصارلي نصيب ولله الحمد والشهر الي مضى سويت ترجيع وبعد ماصارلي نصيب طبعا سويته عند الدكتور محمد كان وايد صعب علي اسير عند دكتور بس استخرت وتوكلت على الله وبصراحه شهادتي مجروحه فيه انسان دقيق في كل شي بس ربي ماكتبلي الحمل لان قالي واحد ممتاز و2 اقل منه بدرجه وطبعا كله بيد الله
الحين ابا رايكم الي جرب الحقن المجهري ارجع اسوي مره ثانيه ولا انتظر شهر اريح فيه …
وعلى الفكره الحمدالله انا وريلي مافينا شي كل فحوصاتنا سليمه ولله الحمد وناويه اسوي هالشهر امسح عند حمامه الي من الذيد في احد جربها وكيف نظامها
ودعواتكن لي حبيباتي 
حبيبتيى اذا مافيكم شي لا تعودين جسمج على الابر ارتاحي هالشهر واقري كل يوم سورة البقرة واستغفري في اليوم 1000 مره او كثر وعليج بقيام الليل وان شاءالله ربي بيفرج عليج ويرزقج بالحمل الطبيعي ان شاءالله ولو بتعيدي العملية انصحج تعيديها عند دكتور محمد لان ما شاءالله عليه شاطر وربي يرزق الجميع بالذرية الصالحة
مشكوره اختي عالرد وانا ناوووويه اذا برجع اسوي اسير عند الكتور محمد وايد ارتحت له …. وربي يرزقني و يرزق كل بنت محرووومه يارب
الله يرزقج بالذريه الصالحه
امين حبيبتي
الله يرزقج ف القريب العاجل
ربي يفرحج قريب واظبي على القيام والاستغفار والصدقة وربي بيرزقج