مركز خاص لانقاص وزن الاطفال

السلام عليكم
لو سمحتو يا سيدات الامارات الي تعرف اي معلومه عن اي مركز خاص بتخسيس اليهال …او اي دكتور شاطر ممكن يساعد في الموضوع … وياليت لو يكون في دبي ..
اختي صغيره بعدها 9 سنين بس مب قادريين نتحكم بشهيتها ابدااا …ووزنها فوق 65 ..لو تمت على هالحال بتموت بعدين …سويت وياها كل شي بس ما شي ينفع وياها ..24 ساعه تاكل …الكل حاول وياها …فبغيت دكتور ع الاقل يتابع حالتها ويعطيها سد للشهيه واحنا بنتابعها في الرياضه …

اي وحده عندها خلفيه بليز ساعدوني ولا تبخلو علي

شو تنصحوني ؟؟ اقدر اجرب مركز ال سي سي الي في دبي ؟؟ في اخصائي لليهال هناك ؟؟ شغلهم اوك ؟؟

كل ما رحنا لمكان يقولون لازم مش اقل عن 11 سنه !!! انزين الحين شو نسوي ؟؟؟ اذا تريينا سنيتن بتصك ال 100..

لا حرااااااااااااام والله معقوله ماشي حل حق متن اليهال ومعقووووله ماشي خلفيه عند اي حد يقدر يفيدج !!!!!!

ارفعوا الموضوووع عالاقل

للرفع لعيونج

ان شاء الله تلقين

لا اختي في حل لانه في هال السنه مايسولها رجييم .. بس يثبتون وزنها وراح تضعف لانها بعدها في سن النمو … بس ماعندي فكره عن المراكز المتخصصه بس راح اسالج ان شاء الله ..

انتي من اي اماره …