مركز دبي للأخصاب والأبر بغيت مساعدتكم

[CENTER]

[/CENT

بعد فترة علاج طويله قررت اعمل أطفال انابيب بإذن الله تعالى في دبي للأخصاب بس المشكله انهم عطوني ابر استخدمهم بروحي وانا وايد اخاف اضرب عمري فيهم فحد يعرف ممرضه اتفق وياها تكون في الشارجه المهم اتعرف حق نوعية البر الي مثل القلم, ارجوكم ساعدوني

هلا فيج
القلم اسهل طريقه في الاستخدام..غير الابره المفرده و سحب الماء و خلطه مع البودره..و ما بتلاقين ممرضه توصلج للبيت للاسف لاني كنت ابغي مثلج عشان تخلط السائل مع البودره و تبدل راس الابر و ما لقيت و اذا طلبت من احد الممرضات ترفض حتى بدفع لها؟بس يرفضن
اما بعد تجربتي للابره القلم وايد ارتحت و سهل استخدامها و تغنيج عن طلعات العيادات و تغنيج عن مذلة الممرضات

عزيزتي انا مثلج واسير لنفس المركز ويعطوني هذا القلم
وخلو الممرضة تعلمني انا وزوجي كيف نستخدمة بس والله ما اقدر استخدمة انا بروحي ولا اخلي ريلي يسويه لي اخااااف حتى ريلي المسكين يقول انا تعلمت عسب اسويلج انا , بس رفضت الخووف مشكلة وانا اسير كل يوم للعيادة الحكومية او الخاصة وخليهم يضربوني بها والمشكلة انا الي اعلم الممرضة الي في العيادات كيف اخذ الابرة اجهزها لها واعطيها اياها وهي جاهزة

والله يرزقج ويرزقني اللهم اميييييين يارب العالمين

اختج الكاردينا

توكلي على الله وتشجعي وخذيها مره …ودخليها بسسسسرعه مش بطيء ! وخلي القلم مستقيم مش مايل يعني عمودي على المكان…..وبعدين بتشوفين ان مالي داعي كل هالخوف..انا ما احس فيها يوم اضرب عمري لانها وايد صغيره ..واخلي بالي ينشغل بشي ثاني وادخلها

بس لا تترددين قبل ما تاخذينها على طول دخليها لان التردد يخليج تخافين اكثر …اعتبريها قرصة نمله

والله يوفقج يارب يرزقج بالذريه الصالحه