والله يرزق كل وحده ترد عليه في ايلي في بالها ياااارب..
والذريه الصالحه للمحرومه ان شاء الله..
ويزرقني وياكم عاجلا غير آجل ياااارب..
خواتي بغيت اسال حد سوى تلقيح او اطفال انابيب أو تلقيح مجهري..
في مركز دبي للاخصاب والامراض النسائيه..؟!
وهو من الشارجه..؟
لاني بغيت اعرف اذا كان في كورس ابر قبل العملية؟
كيف كانت طريقتكم؟؟
هل كنتوا كل يوم اتسيرون لين دبي عشان الابر في هالزحمه والصبح بس؟
ولا في طريقه انج اتسيرين اي عياده ثانيه في الشارجه وتضربين الابر هناك؟؟
ولو في مجال اي عياه سرتوا؟؟؟
لاني انا الحين في بداية كشوفاتي..؟
واخاف يقولون لي بنسويلج تلقيح وان شاء الله ما احتاي واحمل طبيعي يارب..
ومب عارفه شو اسوي؟؟ ومنو بيوديني كل يوم؟؟
انا اسوق بس مووول ما احب الزحمه..؟
وكيف اظهر الصبح كل يوم من دوامي واسير لين هناك؟؟
بلز ايلي عندها خبره ومعرفه ترد عليه ولا تبخل..
ادريبكم ما بتقصرون فديتكم..
ربي يحفظكم ويرزقكم ايلي في بالكم يارب..
ودمتوا..
بالنسبة لأطفال الأنابيب أو التلقيح المجهري بصراحة يبالج إبر كل يوم ولمدة 10 أو أكثر (الدكتورة هي إلي تقرر المدة وعلى حسب نشاط البويضات) .. بس يستوي تشترين الإبر من عندهم وتضربين في أي عيادة ثانية قريبة منج..
الله يرزقني ويرزقج ياااارب وما تحتاجين للعمليات والتعب..ويرزق كل محرومة إن شاء الله
رب لا تذرني فردا وأنت خير الوارثين
جربي اهناك …
والله يرزقج ويرزفنا الذرية الصالحة …… آمين
الله يرزقني ويرزقك عاجلا غير اجلا يااارب
=============
صبحج الله بالخير والسرور يالغلا…
تسلمين فديتج على مرورج وردج ..
ما قصرتي كلج ذوق ..
بس تعرفين شو المشكله …
شي من العيادات ما يرضن يضربن ابر..؟
وما يفتحون بالجمعه بعد…؟
واخاف اتتوهق..!؟
وما فين اضرب خط ساعتين لين دبي بس عشان ابره وارجع بعد ساعتين..
وخاصه اني اداوم وما اقدر اضهر كل يوم من الدوام,…
وتعرفين كيف دوامهم في المركز لين وحده الظهر اضن وانا دوامي يخلص 2وما يفتحون العصر هذي هيه المشكله..
الله يسمع منج ياااااارب…
(((الله يرزقني ويرزقج ياااارب وما تحتاجين للعمليات والتعب..ويرزق كل محرومة إن شاء الله )))
رب لا تذرني فردا وأنت خير الوارثين
ودمتي حبوبه,,,
==============
صباح الورد والجوري والفل…
شخبارج عيوني .. ان شاء الله بخير وعافيه ؟؟
تسلمين على مرورج وتفاعلج حبيبتي..
كلج ذوق ربي يحفظج وينولج ايلي في بالج,,,
ويرزقنا ويرزق كل محرومه الذريه الصالحه يارب..
" ربي لا تذرني فرداً وانت خير الوارثين"