خواتي بغيت اعرف شو احسن شي لغازات الصغاريه ولدي عمره اسبوعين فديته يصيح من الغازات
جربتله كل شي لكن مافي فايده شو الحل؟ ابي حل سريع الله يخليكم وشكرآ مقدما
أنا كنت أستخدم شاي الأطفال اللي يبيعونه فالجمعيات,,,
ومرات كنت أنقع له أوراق نعناع مع سكر نبااات وأشربه بالمرضاااعه,,,
وفي بنتي كنت أستخدم قطرات أعتقد أسمها أنفاكول من الصيدليه,,
ان شاء الله حد يفيدج
عليج بقطرات إنفاكول في الصيدلة
تجنبي السكر لأنه يزيد المغص
وماي غريب يريح في البداية عقب يزيد المغص اشد من الاول
حاولي تخلينه دافء خاصة وقت دخول المساء
فوق القماط حطيه عليه لحاف،، بس راقبي حرارته انه ماتزيد او يتعرق
إذا ترضعينه طبيعي راقبي اكلج (البقوليات،، الملفوف،، حليب بارد….. ممكن تسبب مغص)
اي شي ممكن يسبب لج مغص يسبب حق البيبي وحتى حبوب الفيتامينات أكثرهم يسببون مغص (نصايح المستشفى)
انتي شربي يانسون،، بيساعد البيبي لأنه يوصل للبيبي من حليبج
نصيحة لاتعطينه شاي اعشاب لأنه بيقلل كمية الحليب اللي يشربها البيبي
حاولي ماتعطينه غير حليبج وقطرات إنفاكول عن المغص وبس لين يسير عمره ثلاث اربع شهور
(نصحونا في المستشفى مانعطي الياهل شاي،، لاكن مخذت بالنصيحة وعطيت ولدي شاي الاطفال واليانسون وتوقف نموه شهرين،، ونفس الشي اختي وقت ابتدت تعطي بنتها شاي الاعشاب توقف نموها وعقب قطعت الشاي وتابت)
الله ييسر امورج
