مساعدة من البنوتات الحلوات

شحالكن بنات

ابغي منكن مساعدة وتشجيع انا عمري 27 سنة ومب معرسة

بنات انا نفسيتي داون ومب مرتاحة من استايلي بالمرة حاولت وايد اعدل من عمري بس ما قدرت

استايلي مقبول نوعا ما بس خاطري بتغييرات جذرية لكل شي

شعري يطيح بشكل فضيع وما لقيت له حل ومن كثر الاحباط هاملتنه حتى تسريحتي ما تتغير

وويهي مرات صافي ومرات تطلع لي حبوب فجأة وكنت اداوم وما احط شي في ويهي نهائي وكل اللي حولي ينتقدوني ويقولون حطي لو بودرة وقلوس اقل شي وقمت احط بس خفيف

وجسمي للأسف مب متناسق عندي بروز فالبطن ولون جسمي مب موحد مكان ابيض ومكان اسمر

حاولت اخفف من بروز البطن لكن ما قدرت

المشكلة العوووووودة هي اني عندي خمول فضيع ومهما اتحمس للشي اتعايز عقب اسويه لأني ما الاقي حد يوقف وياي واخواني فالبيت ما يساعدوني اسوي شي اختي تسوق وهي اللي اطلع وارد وياها لكنها ما تحب السوق ولا اخذ راحتي لو طلعت وياها لانها كله مستعيلة وما تبا تطول وهني لو بغيت اخذ شي يمنعني كثرة النصب عالبنات والحريم شو اسوي؟

خاطري والله اتغير بس ابا حد يساعدني ويحمسني ويعرفني كيف ابدا وانتظم وكيف الاقي حل حق الروحة للسوق والتغيير

منو تقدر وجربت قبلي ونجحت؟

اترياكم