اخواتى اللواتى حصلن على ليسن
اريد مساعدتكم امتحانى يوم 2-2 بأذن الله
اريد بعض نصائحكم وارشاداتكم للنجاح لانى تعبت من كتر حصص التدريب وارجو من الله انى انجح
للعلم ان المدربه الى الان تصر على توجيهى مع انى اشعر انه بأمكانى السير بدون ارشاداتها
لكن هى لاتعطينى هذه الفرصه حتى اصبحت اشعر انى ليس عندى ثقه من امكانية القياده فى اى سياره اخرى او مع اى شخص اخر
الله المستعان
انصحونى حبيباتى
ماهو السبيل للنجاح والحصول على الليسن بسهوله
ومشكورات
ترومين تسوقين بروحج بس اهم نقطه الكل كان ينصحني(عدم الارتباك)
لانج اذا كنتي كووووووول ومرتاحه بتسوقين صح وماراح تخربطين تذكري كل القواعد انا قبل التراي مارقدت تميت احفظ القواعد تقولين كتاب رياضيات ههههههههه
انتبهي للسرعه بالشارع وسرعه الدوار 40
الله يوفقج وبشرينا عاد
^^
^^
آنا بعدني ماخذت الليسن بس بعطيج كم نصيحه
أهم شي لاترتبكين يوم بتركبين حذال الشرطي وأول شي حطي لحزام لاتنسين
وايدين ينسون ينزلون الهاند بريك أول مايسوقون ف ركزي على هالنقطه
ويوم بتحطين القير على ال R و ال D ركزي لأنه فيه سيايير القير ماله شوي متحيس مو سيده بتحطين في بالج انج حاطتنه في الوضع الصحيح بس عادي يكون غلط ف شوفي جدامج فوق السكان عند العداد بيكون حاط لج العلامه اذا كانت على D أولا
المهم إذا كنتي أول وحده بتسوقين اتحملي وانتي طالعه من مكان الفحص احيانا من الربكه بدال ماتطلعين من باب الخروج تطلعين من باب الدخول لأنها صارت عند فلبينيه كانت معانا في الفحص وعلى طول الشرطي نزلها
تحملي عند اللفات والدوار وخاصه الدوار خففي السرعه وبالنسبه للفات لاتروحين وايد جدام يعني تمي بالنص
أنا عندي تراي باجر طبعا لتراي الثالث ومابقولج اني غلطانه لانه اصلا ماينجحون البنات من اول مره ولو تعرفين ليش رسبوني بتقولين صج سخافه بخبرج بعدين
فى انتظار نصائحكم وتجاربكم
مشكوراااااااااات