مستشفى الواحة في العين , اللي ربت فيه تدش؟؟؟؟

هلا خواتي الحوامل

انا فتحت ملف في مستشفى الواحة في العين عساس اربي عندهم, بس مادري ليش قلبي ناغزني

وابا استفسر من اي وحده ربت في هالمستشفى تخبرني عن طريقة الرعاية والتوليد وكل شي

يلا خواتي طمنوني وردو علي , الله يجزيكم الجنة ويسهل عليكم يارب

ما أنصحج تسيرين عندهم …..أبدا أبدا ….

انا مربيه فيه اووكي يعتنوون فيج وفي البيبي

اختي الغرام العذب

ليش ماتنصحينا بمستشفى الواااحه؟؟؟؟؟؟؟؟

اريد اعرف شو القصوور اللى كان؟

لاني افكر اربي فيه

واسموحه

أم عقصين مساء الخير ،،،،، شوفي ما أنصحج تسيرين عندهم لأن المستشفى تغير والنيرسات والدكاتره والأغلبيه طلعوا منه .وعلاجهم هب شرات قبل بصراحه … فيه في العين مستشفيات خاصه غير الواحه توفر لج الراحه والعلاج والعنايه أفضل وافضل .وأنتي حره إن بغيتيه أو غيره الموضوع راجع لج بس أنا ماااااااأنصح نهائيا بالواحه ولو حق (جنتار)اقصد تطعيم وسلامتج والله يسر لج ..

أنا فتحت ملف هناك واذا الله راد بربي عندهم بصراحه اهتمامهم وفحوصاتهم وكل شي فيه زين بس عاد قسم الولاده ماعرف لانه هاي اول مره بربي وماعرف شي والكل يمدحه وماشاء الله الحريم زحمه عندهم توكلي على ربج ولاتخافين والله يسهل عليج وعلينا

السلام عليكن
انا مربيه فيه بجر يعنى سنه 1998،وطبعا لان الوالده مربيه فيه قالتى ربي فيه المهم،من الساعه سبع المغرب لين 6 الفير وانا ع الولاده ونيرس وامى وخواتى مب مسويات شي مستغربه انا من النيرس الى عندى ولا سوت شي وخواتى يصيح عند راسي يقولون ماحد وازء الى وزيته من الالم اخر عشر دقايق امى طلعت وزقت على الدكاتره ويابوا مكينه الشفط وطلعوا البيبي ولو عانيه الله ثم امى كان الله شو بيصير فينى.
ختيه نصيحه لوجه الله ربي في تووام ابرلج والله عنيتهم زينه ما قد ربيت فيه لانى انقلت بوظبي بس حريم اخواتى وخواتى مربيات فيه وعنايتهم زينه.
والسموحه وربي يوفقج وتربين بالسلامه ويسهل عليج يارب.