مسكينه رفيجتي ماتبا تتطلق علشان خاطر زوجته الاولى

السلام عليكم بنات .
هه أنا عضوه جديده وماعرفت وين قسم الترحيب هه رحبوا فيني ^_^
بنااااات بتخبركم عن ربيعتيه هي تزوجت برجال متزوج وهي مررررره طيبه وعلى نياتها وكله تكتم بداخلها من مشاكل ومصايب وماتخبراهلها باللي يصير لها مع زوجها ومع انها راضيه بكل شي لا شهر عسل ولاسعاده ولا اي شي من حقها وكانت تراعي مشاكل زوجها ووقفت وياه وقفه الله العالم فيها
وهي جدا تعبانه نفسيا وكله تفكر لانه زوجته الاولى تباه يطلقها وهي ابد مالها دنب باللي حصل وكله تبكي وتقول انا اخاف خربت عليهم مع انه زوجها كان يقول لها انتي ماقصرتي وياي والف مليون واحد يتمناج وكان يبكي كثير يخاف انه ظلمها
ريلها قال لها انا لو برد بيتي مابرد عشان زوجته الاولى لانها (الله يستر عليها فيها صفات مابا اقولها مابا اخد دنوب)
والله العالم شو بداخله الرجال على الأولى
وأما الزوجه الأولى تصر تقوله انا مابرد لك لين تطلق الثانيه ولاويه ايده بعياله وهو فكر يطلق الثانيه
فشو رايكم ؟
والرجال مايبغي يطلقها لان شاف فيها صفات الام والأخت.

الله يكون بعونها الله حلل الزواج حتي يطبق شرع الله

لكن حين لا يكون الزوج علي قدر الرجوله والمسؤلية بأن يحافظ علي البيتين يكون الخلل

من حق الزوجة الأولي تختار الأستمرار او الطلاق لكن مش من حقها التشرط بطلاق الثانية

أقول لصديقتك اذا كانت زوجة صالحة لماذا يريد يطلقها علية يحل مشاكله لكن يظلمها ياريت يخاف الله فيها —-

حبيبتي هي اش عرفها باخلاق زوجته الاولى كل ريال اذا جاء يتزوج اكيد بيذم الاولى بابشع الصفات حتى لو ما فيها لكي يقنع نفسه والناس انه على صواب وان الخلل في زوجته الاولى كل ريال والمشكله الزوجه الثانية تصدق حليلها وتكون ضحية رجل اناني ما يفكر الا بنفسه وبس وبما انه مش قادر على بيتين من الاساب ليش يفتح بيت ثاني ويبهدل بنت الناس معاه وهي ليش ما حطت شروط انها تبا شهر عسل وسفر ودلع من البداية اكيد لانها عارفه ظروفه ومقدرتنه بس تبين الصدق اي ريال يفكر يزوج زواج ثاني الزوجه الثانية لازم تحط شروط لان عااااااادي يرد للاولى يحطم حياة الثانية هذا من وجهة نظري
وسمحي لي

اهي طيبه وعلى نياتها مرره ولا تشكي ولاشي كله تقوله استغفر واقرا سورة البقره وتنصحه كثير
والله حاولت كثير انه يتعدل وضع الاولى وحاولت تتصل بشيوخ عشان يهدى الموضوع بس مب بأيدها شي

المشكله زوجها خبرها وقالها ومب بس زوجها وعمتها قالتلها خوات زوجها وهي سكتت ماقالت شي بس الاولى كثير معنده قالتله ماحط عيني بعينك الا تطلقها

شو بيدها الزوجه الثانيه الا تدعي ربها ان يسخر لها زوجها ويهدي حرمته الاولى

لانه ان طلقها بيكون ظلمها … وان طلقها بسبت الزوجه الاولى بتكون ظلمتها هي بعد مب من حقها تطلب هال الطلب لانه ماسوى شي حرام .. يا انها تستمر بحياتها وياه ولا هي تطلب الطلاق

الله يهديها ويهديه ويسهل امورهم ان شاء الله

تعرفين شي اكيد اهله بيدورون وياه واكيد ما بيكونون ضده كل الاهالي نفس الشي لو ولدهم على غلط بيقولون هو الصح وبيغلطوووون البنت واهلها في ناس ما تخاف الله عادي ولدهم يجذب ويصدقونه ويكذبون مرته
بس ما اقدر اقول لج الريال لو شخصيته قوية بيقدر يحكم البيتين لو شخصيته ضعيفه كلمه تيبه وكلمه توديه الله يعينها