انا الصراحه بتخبل من مكان العمل و طريقة الادارة إلى تلوع الجبد صار لي تقريبا سنتين و نصف و انا اكرف في الشغل طبعا و لا كلمة شكر سمعته من حلوج المدراء والمسؤولين مشكلتي الكبيره اني اشتغل في قسم فيه واااييد ضغط ولو واحد غاب خلاص كرررراف على موت فما بال لو كلهم غابوا لا و القهر دوم تستوي هاي الحركه و المسؤول ما يقول شيء و أخر شيء انا اكرف و اتم معصبه و ما اكلم حد لا ويفروون كل الشغل علي اوكي ليش ما تعاقبون الموظفين الغايبين هم كلهم يطلعون إجازه في نفس اليوم كيف هذذااا و المصيبه هم ما يقولون انهم بيطلعون في اليوم الثاني يطرشون مسج حق المسؤول اونهم بياخذون إجازه ليش الدنيا فوضى المفروض يكون في نظام و لا يحطون جدول منو بيطلع إجازه دوم 3 و لا 4 يطلعون في نفس اليوم و يلا عاد انت أشتغلي و إذا تكلمت مع المسؤول ليش تخلي كل الموظفين يطلعون نفس اليوم تدرون شو الرد بتنقهرووون بسج شكاوي و تحرطيم هذا الحين رد من مسؤول الحين انت مطلع كل الموظفين و تباني انا اشتغل شغل 4 اشخاص ليش مكينه ويقول عني اني عصبيه الواحد ما يعصب إلا إذا استوى شيء يخليه يعصب ودوم تستوي مشاكل وما يحلها ودوم يتهرب و يوم اناقشه بمشكله في الدوام يقول انا مب فاضي حق مشاكل الدوام عيل ليش مخلينك مسؤول وفي شيء قاهرني يطلبون مني اغير طريقة تفكيري ليش الحين إذا انا غيرت من طريقة تفكيري المشاكل بتختفي لا طبعا المشاكل سببها ان ما في حد ماسك القسم عدل و ما في نظام تدرون ان الموظفين عادي يطلعون اي وقت وانا إذا أستاذنت ما يخليني ليش النظام ينطبق علي وما ينطبق على غيري
قولولي ألحين في حد يقدر يتحمل مكان و مع مسؤول و الله انه ما يتحمل المسؤوليات وفي واييد مشاكل إذا خبرتكم والله بخلص الكلينكس في الكرة الارضيه
ترى نحن مانشتغل اللي متفيزرين في مكاتبهم هم يشتغلون بس …
الله المستعان عندنا وعندج خير
بس لاتقوليلي انج تشتغلين في بنك لأن بهالحاله بنصيح ويابعض خخخخخخخخخخخ
شو هذا المكان حشى كلهم ما يداااومووون لو انا بشتكي على المدير العام و افضحهم هم يطلعون و انت تكرفين بروحج وشو فايدة المسؤول بس ديكور الله يعينج
سيري له وقولي له او تغير المسؤول او تغير قسمي هذا والي معاه ياين يلعبون وانا مب نشاده عنهم اخرب صحتي عشانهم وانتي سوي المنيمم قولي ما اروم اسوي شغل غيري سير هات لك موظفين يكملون الشغل هو ماشي ظارنه يحصل الي يخلص الشغل ما يهمه منو المهم الشغل يخلص لا تخلصين اشغالهم وشوفي كيف بيشد عليهم يوم بيوقف الشغل وبتيه هزبه من فوق
يعني مب بس انا اعاني من الشغل
الله يعيينا يابنات