بنتي صف أول والصراحه انا ادرسها اول باول وهي ماشاء الله تحفظ بسرعه بس استيعابها بطيء شويه … يعني الحروف لحد الان تعرفها مع الحركات والمدود بس مشكلة معلماتها يتشكون منها انها ما تجاوب مووووووول كأنها ما تعرف شي . .. مع انها شفويا وايد شاطره في البيت وتحفظ بسرعه وتجاوب عندي بطلاقه ولما كانت في الروضه كانت مدرستها تثني عليها وتقول عنها ممتازه وتجاوب ومحبوبه من الكل ,,
ومن اول ايام الدراسه وهي تقولي ماما المعلمات ينازعوني … ,احس بنتي بعدها مب مستوعبه الدراسه والمعلمات مب حاسات بها الشي … يبغون عند الطالب سرعة البديهه ,,, والعلوم والرياضيات مدرستها واااااايد علت صوتها عليي لاني قلتلها انتي ما تطرشين ورقه تقولين شو بياخذون ها الاسبوع من الدروس ولا اوراق عمل ولا شي معتمده على الكتاب وهاييل صف اول ابتدائي لالالالالالالازم تدريبات مستمره انا اسويلها في البيت وادرسها ……مادري ليش تعاند المدرسات جذي مع انها تحب المدرسه وحتى لو مريضه لازم تروح ما تحب تغيب .. وانا الصراحه افكر اعيدها صف اول السنه اليايه لانه المدرسات خلو بنتي مووووووول مع انها في البيت با النسبه لي شاطره وتعرف …
حتى لو اتيب في الامتحان درجات كامله هم اهم شي عندهم الشفوي ,,,
بنتي سلمج الله عكس بنتج
بنتي في الصف تتجاوب ويا المعلمات وتشارك واتحصل هدايا منهن ع المشاركة
وفي البيت شارذة دهنيا او بالمعنى الاصح ….تتكاسل وتلعووزني
انا اعتقد ان المشكلة في المعلمات..يمكن اسلوبهن ماتوافق ويا شخصية بنتج
او انهم رسميات زيادة عن اللزوم ماياخذون ويعطون ويا الطالبات
عشان جي بنتج تتجنبهم او ماتحب تبرز نفسها عسب ماينازعونها او يحرجون عليها
بالنسبة للمراقبة المستمرة والتدريب والواجبات في البيت
معلمات بنتي كل يوم يدبسون لها ورقة على كتاب المادة
كل يوم عندها تدريب خط او رياضيات …..او حفظ نشيدة او اية
انا اقول شجعي البنوتة في البيت وحاولي اذاكرين وياها على اساس انكم تلعبون مو تدرسووون
واساليها شو خذتو اليوم في المدرسة شو قريتو وراجعي وياها من اول
مايحتاي تخليها تعيد السنة يمكن تتضايق وماتدرس عدل
خلهيا براحتها تووها الا صف اول ….باقي العمر طويل جدامها
وياارب تكون من المتفوقات ان شاء الله
تحيااتي لج واسمحيلي الغاليه ع الاطالة
بس لاني واايد مهتمة في الموضوع مثل ماقلت لج بنتي بعد في الصف الاول
ماشاء الله على بنتج ربي يحفظها لج ..
وااااااااااايد متضايجه انه بنتي تعرف بس لين الحين ما يعرفون مستواها زين …والسبه الشفوي مع انها عندي في البيت ممتازه وكل شي بتجاوب وتفهم لي وكله تقولي المعلمات مب مثلج يعلموني …طبعا ما بيتفيجون حق كل وحده … شكل بنتي متعقده منهم ….
من اسم وظيفتها بتعرفين شو مهامها وشو ممارساتها
سيري قابليها وخبريها عن الموضوع
وانج وايد تحاتين..وان شاء الله ماتردين خاايبة
يمكن ينقلوون بنتج عند معلمة اكثر كفاءة او لها خبرة طويلة في المجااال
هم يعرفون ويقيمون مدرساتهم
يارب تفيدج
وطمنينا عزيزتي
يمكن مدخلتنها المدرسه وهي صغيره
انا دخلت ولدي الروضه وعمره 3 سنين و3 شهور
وايد تعبت معاه.. ونفس المشكله تقريبا بس المدرسات ما ينازعونه… يتشكون لي.. وحرام ينازعونها وهي بالصف الاول.. صغيره
والله يوميا ينازعونها …بنتي عمرها 5 سنوات ونص الحين …خلاص بروح للاخصائيه وبشرحلها ولالالالازم انقلها خلاص يوم المدرسه ما احترمتني وما تعرف ترد رد محترم تتهازب جني انا السبب انا مسؤووله بس مب انا السبب لانها عندي تجاوب ودوووووووم اخلي جو التدريس لعب ومرح واحط ككاوات ومصاصات وحلويات علشان التشجيع والحمدلله استانس عليها في البيت انها تفهم …. انا اسوي اللي عليي … يعني با النسبه لي خطها وااايد حلو با النسبه لسنها وتحفظ الاناشيد والقران من مرتين والا ثلاث ماشاء الله عليها وتحفظ الدروس وتعرف الحروف وكلمات بسيطه ونحن تونا في البدايه …. وبنتي قياديه وشخصيتها قويه في البيت وحتى يوم اطلع وياها وحتى بين الاهل جريئه وترد بس ليش انكسرت في المدرسه بها الطريقه مادري كيف يعاملونها مادري انا ما اقدر احظر واشوف … واصلا من اول الايام وهي تشتكي منهم …
انتي اخطي الخطوة الاولى
وسيري للاخصائية كلميها
واكدي على موضوع البنوتة خصوصا ان سنها صغيير
ربي يحفظها
وبانتظار البشارة