شحالكم يا خواتي..
بنات انا بكتب لكم مشكلة اربيعتي.. لاني نصحتهاااا و قلت لها الحل اللي ابيها اتسويه بس هي مب قادرة اتسويه
بنات اربيعتي هذي ماكانت جيييييييي و الله العظيم ماكانت جيييي ؟؟؟
اربيعتي انسانه وايد طيبه و حبوبه و الكل يحبها..
اربيعتي هذي متزوجه من 5 سنين و عندها عيال يا بنات..
و هي واايد معاي.. قالت لي شي وهي ندمااانه عليييييييه واااايد ..!! و ماكانت بتقوول الين ما اصريت عليها لأن شكلها متغير في الفترة الاخيرة
قالت لي شي و انا صدق انصدمت انها سوت هالشي و ماتوقعته منها ابداً ..
قالت لي انها خانت ريلهاااا..
و اتعرفت ع واحد و حبته و لظرووفهم هو يساعدهم في اموورهم الخاصة..
يعني تصورو يساعد ريلها و ريلها مايدري ان هالريال اللي يساعدة يعرف حرمته و لا بعد مب بس يرمسها بالفون..
ياااربي مادري كيف بقوولكم اخاف عليكم من الصدمة مثل ما انا انصدمت ..
اربيعتي يارب يسامحها و يتوب عليها..
غلطت مع الريال اللي يساعدهم و طلعت معاه بيوم و ارتكبو……………الفاحشة..و العياذ بالله..
اللهم ابعدنا عن الغلط و السوء..
و هي مثل ماقالت لي انها مرة وحدة سوتها .. و ندمااانه و كل يووم قلبها يعورها و اتصيح انها سوت هالشي..
انا محد كاااسر خاطري غير ريلها اللي مسكييين يشووف هالانسان ملاك اللي يساعدة و هو واحد حقيير سرق عرض زووجته .. اللي أمنها على شرفه..
بنات قولووولي شوو انصحها خلاص انا تعبت..؟؟؟
و هي تقول تحاول تبتعد عن الريال اللي ترمسه بس ماتقدر ..
احسه غاسل مخهااا يعني هييي مب جيي ؟؟
مااادري يا بنات انا من الصدمة ماعرف شقول لكم..
بس معقووله واايد متزوجات جي يسوون ..؟؟ و لييييش انزييين..؟؟
شوو خانة ريلج.. مع ان اربيعتي ريلهاا و الله يا بنات جنتل .. و محترم.. و ينحط عاليرح يبرا..
و ماتستاهله بصراحه بس شووروو علي شوو اسوي معاااهاا..
هي تبا اتووب و تبتعد بس مب عارفه كييف..
و اتقووول كيف بنسى خيانتي لريلي اتقول ماتقدر اتعييش معاه لانها مب متقبله نفسها بعد اللي سوته .؟
و الله امرها عجيب.. اقوولها اعيااالج ماتفكرين فيهم تووبي لله..
ان الله تواب رحييم ،، تقووول ماقدر اسامح نفسي كيف ربي بسامحني احس اتعقدت..
ساعدووني ارجووكم قبل لا تضيييع اكثر..
لاحبيبتي مو كل الحريم يسوون كذا عاد . من الغبيه الي بتكون معرسه وبتتعرف على واحد غير زوجها وتزني معه!!
ماعرف شقولج بس ربي يهداها ويغفر ذنبها
خلها اتوب لله .. الحينه هالريال لي متعرفه عليه يعرف وريلها ومكاانها يعني بيتهم ولا شو ؟؟
لو كان ع جي الصراحه ماعرف ماعرف شو اقولج ..
قبل كل شي هيه معرسه وعندها ريل وفوق ها عيالهااا ليش يعني سوت هالشي ..
انا اعرف نوعية جيه من الناس .. وانا هب معرسه كنت داشه موقع لعب وجي
رمستني وحده عادي سوالف وجي ومن عقبها قالتلي انا افكر اخون ريلي انااااا انصدمت
الصراحه قلتلها ليش عندج ريلج مايسدج يعني ..!! تمت اتقول هوه يشل لي يباه ويظهر
عند ربعه انزين وبعدين قالتلي عسب جي .. فنصحتها انه لاتسوي هالشي تقضي وقتها ف اي شي
ولا اتخرب بيتها ..
توني الاحظ هالرمسه اسمحيلي ..
يعني تصورو يساعد ريلها و ريلها مايدري ان هالريال اللي يساعدة يعرف حرمته
والله ماعرف شوو اقولج .. ينخاف جيه والله ولا بعد الريال يعرف ريلها .. من رايي اختيه خلها تقطع عنه خلاص اتقوله
انه ماتقدر وجي .. جوفي رايي الاخوات لانه انا ماعندي خبره ف هالسوالف
والله دنيا كم بنجوف فيها العجب الصراحه !!
الله يهديهاااا بس
الله يهديها ويهدي الجميع إن شااء الله …
بااب التوبة مفتووح … وتقطع علاقتها بصاحبها .. وتلتفت لبيتها وريلها وعياالها …ولا تخبر ريلها
ولا تفكر تخلي عياالها …الله يعين …
وتكثر من الاستغفاار …
"اللهم أنت ربي لا إله إلا أنت خلقتني ..وأنا عبدك … وأنا على عهدك ووعدك ما استطعت …
أعوذ بك من شر ما صنعت وأبوء بنعمتك علي … فاغفرلي ذنبي ..فلا يغفر
الذنوب إلا أنت "
يعني ترخص بنفسها عسب شي دنيوي .. و شرف ريلها و عرضه مافكرت فييه..
مب حراام الريال يشتغل و يتعب و يكافح و حسب كلامج ريلها واايد زين و هي اتسوي جيي…؟؟
خليها تقرااا قصص الحريييم اللي بالمنتدى خل تتعظ.. كل وحده تشكي ريلهاا ..
اللي يسهر
و اللي يرووح قهااوي و ماييلس معاها..
و اللي مايطلعهااا..
و اللي يغازل بنات..
و اللي يرتكب الفواحش و يروح دسكوات و العياذ بالله..
و هي عندها ريل ماشاء الله عليه ماتشتكي منه و جييي اتسوي..؟؟
بس عسب يمشي امورهم ؟؟؟
لو كل بنت بتسوي شرااتها جاان ضااعت الدنيا و ضااعو البنات..
و انا استغرب من الريال اللي يرمسها .. يعني ساعدها لوجه الله لازم اتسوي علاقة معاها و اترمسها ..؟؟
يعني الريال عنده حكمة بس البنت تركض ورى مشاعرها..و الله حراام..
قوليلها اذا الله ستر عليها الحييين باجر بتنفضح يدام اللي يسوا و اللي مايسوا.. يمكن باجر هالريال يهددها
بريلهاا لا قدر الله .. بحكم ان يعرف ريلها..
خلييها اتووب و تستغفر و اتصلي ركعتيين..و تذرف دمووع الندم .. عسب ماترد للغلط مره ثانية..
ترى كل شي بيييييد رب العالمييين.. الله سبحانه اللي بساعدهم مب الريال اللي تعرفه أو غييره ..؟؟؟
و لاتدمر حياتها بيييدها تراها متزوجه و عندها عيال و تنسى الغلط اللي سوته بحق ريلها ..
ترى الدنيا دوااره و يمكن باجر ريلها اللي بنقلب ضدهااا..
و الله يهدييها يارب..