مشكلة صاحبتي المتزوجة متزوج بليز دخلو تبي حل مسكينة

السلام عليكم ورحمة الله وبركاته

الغاليات هذي صاحبتي الله يفرج همها مسكينة اتزوجت من ثلاث سنوات واحد متزوج وعنده يهال واكبر منها باكثر من عشر سنين وهي باواخر العشرينات كانت المهم كان يحبها مجنون فيها وتم يحبها ثلا سنوات ومخبي عنها عقب خبرها وهي رفضته لانه متزوج وعنده يهال بس تم يقنعها انه يموووت فيها وان مرته ما تريحه بحياته وانها دايماً كثيرة طلبات وعصبية ومزاجية وتغلط عليه لسانها طويل وتم يقول ويقول وهي ترفضه سنه وعقب من كثر الحاحه استخارت وشافت انه مافيه عيب غير انه متزوج وعنده يهال تقولي قلت خلاص بشرط عليه اني مالي اي علاقة بمرته لا من قريب ولا من بعيد وانه ماتبي شي بالسر لانها مب مضطرة تخبي شي لانها ما تسوي شي غلط تقول وافق على كل شروطها وقال لها انه بيكلم زوجته وانه من حقها تسوي حفلة زفافها مثل ما تبي المهم خواتي كان كل شي اوكي عقب قبل الزواج قال لها بآجل الكلام مع زوجتي لين بعد الزواج بشهرين ثلاثة جيه احسن عشان ما تخرب لنا كل شي تقول قلت له اوكي مب مشكلة شهرين ثلاثة بنتريا ،، وتزوجها وخلفو بعد والحين عقب ثلاث سنين وهو بعده ما خبر مرته الاولى ولانهم كل وحدة منهم في بلاد صار ما يجي عند الثانية الا مرة كل شهر او شهر ونص ومرات مرة كل شهرين يكلمها بالتلفون للاطمئنان عليها بس !! مسكينة متحملة مسؤليتها ومسؤلية بيتها والبيبي بروحها وما تدري شو تسوي وكل ما تكلمت يقول لها تتريا بعد شوي وماشي اي تحسن بعدها تتريا وهو يقول لها انه وضعه الحين صعب وما يبي يخبر زوجته لان شغله فالبلاد الي زوجته الاولى فيها ومايقدر يدخل فمشاكل معها ويضيع شغله ويتم بلا شغل شو الحل يا بنات ساعدوها عيزنا انا وهي نفكر في حل والله مسكينة تكسر الخاطر

حسبنا الله ونعم الوكيل
ما تقدر توصل لحد من اهله؟ اخوانه؟ عشيرته؟
الله يعينها يارب

الغلط من صديقتج
يعني هي تزوجته ما اتفقت معاه ع مسكن ؟؟؟
ليش ما سكنت بنفس دولته بنفس مكان شغله عشان تكون قريبه
هل هو يعطيها مصروف من الناحية المادية ؟ لو يعطيها و يصرف عليها تصبر عليه شوي

اوكي في حالة خبر زوجته تتوقعين ترضى ؟
اخاف يخبر زوجته و تخيره بين صديقتج و بينها و يترك صديقتج انتبهي
يعني واضحة ما يحتاج تحليل يخاف من زوجته طبعا

يا انها تسكت حاليا وما تخبر زوجته عشان ما يخترب بيتها ؟ يعني هي شو مستفيدة لو الزوجة عرفت ؟
او انها تحط ف بالها لو عرفت زوجته ممكن تصير مشاكل اكبر من المشاكل الحاليه
أو لو الزوج مقصر معاها ماديا و ما يتصل ولا يسأل شو تبغي في زوج بها الشكل ؟؟؟؟؟؟

الكتاب باين من عنوانه

شكله مب من بلادج؟
شلي ورقه العقد وصدقيه من سفارة بلاده على الاقل تحفظي حق ولدج لو لا سمح الله صار شي
اما انتي فما اعرف عن حالتج اسأليهم ؟

قالت تقدر بس ما تبي تسوي مشاكل تبيه هو الي يخبرهم

الصراحة مسكنها ومريح عليها ويصرف عليها وعلى البيبي مب مقصر مادياً بس المبيت والحضور واايد مقصر عليها يتم شهرين ما يجي ولو يا كلها كم يوم عشان زوجته ما تحس عليه ولو مرض البيبي او صار عليها وعلى ولدها شي اهي الي تتم تودي وتجيب هو بس يتصل عليها بالتلفون يعني زوج غير متوااااجد مسكينة والله

الحرمة والريال من نفس البلاد حبي بس هو بعدها عن زوجته الاولى عسب ماحد يحس عليه