مشكلة وابغي لها حل خدمة الأمين

السلام عليكم ورحمة الله وبركاته ..

بنات بغيت استشيركم بموضوع شاغلني ومب عارفه اشقايل احله , بنات الموضوع يخص ربيعتي بس ما عرفت اشقايل اساعدها , بليز من غير تجريح وترى كل انسان يخطي ومحد معصوم من الغلط

راح ادخل بالموضوع على طول , بنات ربيعتي يتني وهي تصيح وتبغيني اساعدها بموضوع مارقنها , والله لو بايدي بساعدها , الله يسلمكم ربيعتي تعرفت على واحد من اياام الكلية وكانت ترمسه على المسن وعقب التلفون , اعرف انها غلطت وانا ياما حذرتها بخصوص هالموضوع بس كانت تقولي هو زين وما طلب مني شي ومن هذا القبيل , وتموا على هالحال فترة طويلة لين ما تخرجت واشتغلت , للعلم هو اكبر عنها وبطالي على قولته , بس عندي احساس انه جذاب وما كان صادق وياها , المهم عقب ما اشتغلت بسنة طلب منها اتساعده بموضوع , هو كان داخل شراكة مع ربعه بمشروع وخسر وكان كاتب على نفسه شيك بمبلغ 25 الف وما قدر يسدد المبلغ فهددوه بالسجن وهي خافت عليه وما بغته ينسجن (والله لو خلته ينسجن ابرك ) قامت هي وسحبت لها سلفية بهذا المبلغ وعطته اياه وانا حذرتها وايد بس هي اكدت لي انه راح يرد لها المبلغ (انا ما يدخل مخي هالموضوع , ريال شطولك وعرضك تستحي تطلب من اهلك بس ما تستحي تطلب من بنيه ) وقامت هي تسدد المبلغ وراتبها كان بسيط غير مصاريف البيت لانها البنت الوحيده اللي تشتغل , ومرت الايام بتقولون وين المشكلة ؟ الله يسلمكم ربيعتي مرضت وما قدرت تكمل بالشغل وصارت لها مشاكل , وقعدت فترة بالبيت والله العالم اشقايل كانت تسدد المبلغ , (قلت لها كلميه خله يرد المبلغ , شوو هذا خل يحس على دمه) قالت لي استحي وما اعرف كيف (قامت تبيع ذهبها وتسدد ) بنات والله لو شوو اقولكم عنها هي على نياتها وما تحب ترد حد وياما ينقص عليها من قبل البنات وزميلاتها في الدوام , اعرف بتقولون هي تتحمل نتايج خطأها وسذاجتها , المشكلة الحين ان البنك قام يطالبها بالمبلغ وهي ما عندها تسدد وانا والله لو عندي بعطيها وبساعدها , هي رمسته وقالت له انه يدفع على الاقل القسط وما تبغي منه شي , بس هو قالها بعرس وما عندي شي ابوي متكفل بعرسي , حسبي الله عليه يووم انه وهقها , الحين البنك يهددونها بالشرطة وهي خايفة , قلت لها عن خدمة الامين بس شوو الدليل , بليز بنات ساعدها ما تعرف شو تسوي , بنات من غير تجريح هي عارفه انه غلطت ومن زمان قاطعه علاقتها فيه , بس شو تسوي بموضوعها ؟ بشو تنصحونها ؟ تقولي ما عندي حد اشكيله غير ربي .

اللي تعرف بخصوص خدمة الامين ممكن تفيدنا ؟

إن شاء الله البنات يفيدونها ،،،

الله يعينها ويفك ضيقها

هلا اختي خدمة الامين هي للمشاكل الي تتعلق بشاب يهدد البنت بصورها اوي اي شي لاكن عشان الدين لازم يكون عندها دليل

حبوبه في اثبات انها عطته المبلغ يعني وقعلها على شيك ولا اي شي !!!!!

اعتقد لو مافي اثبات صعب يردلها المبلغ بيقولون لها ان القانون لا يحمي المغفلين !!

الله يسهل امورها يارب العالمين

لاحول ولاقوة الا بالله ..

تستخلف الله على فلوسها

لو كان بيرد الفلوس كان ردها من زمان

واكيد هو ذكي ومافي دليل على انه اخذ منها شئ

وهي عطته برضاها ..

…………………

العوض على الله … خليها تتوب وتكثر الاستغفار وباذن الله ينفرج همها عاجلاً غير آجل بأذن الله .

والله يستر على الجميع وفي الفلوس ولا في سمعتها .. الله يبعدها عن وهم الحب ..

والمستغلين من هالنوع من الشباب.

والحمد لله في كل حال