مشكلتي . الحسد!!!

بقول لكم مشكلتي بصراحه مليت من هالسالفه:!!

اللي هي الحسد , انا وحده انحسد بسرعه من يوم وانا صغيره جي

بس يقولون انتي حلوه يوم الثاني طايحه مريضه وحالتي تنجلب فوق تحت

لا اقدر اتكشخ واتعدل شرات البنات ولا اسير اعراس او اي مكان حتى

عند الحريم ماروم اطلع ايلس وجي , اذا سرت السوق ومولات جي لازم غشوه غليظه

مرات يوم ماالبس ضج اتضايجت اكون ويا اهلي بس الشباب حتى البنات نظارتهم اتضايجني

من ارد البيت اتعب وهاي حالتي من سنوات كبرت واتغيرت, وايد زاد الحسد واااااايد حتى امي

ملت من السالفه ,فالبيت ويا اهلي ماروم البس شي حلو واتعدل تعبت والله

قبل سنه كان خاطري اسير العرس من اهلنا , فسرت عقب جم يوم كاني وحده ميته وعانيت سنه كامله

لين ما شفيت , فالمدرسه نفس الحال!! بذمتكم شو اسوي , انا ضعيفه امتن طشونه اوف اسبوع اتهنى

وارد نفس الحال , احس عمري عاديه بس ليش جي الناس فيهم حسد ماعرف

اقرا على عمري المعوذات اقرا قران كل شي بس بعد جي
وربي خاطري اكون شرات اي وحده تتطلع اتسير اعراس تكشخ من خاطرها

الحينه من 3 اايام لا افطر ولا اتسحر ماشتهي ومتضايجه طول الوقت

شو اسوي؟!!

بليز اللي عندها حل اتخبرني . قالو لي تسبحي كل يوم من ماي بحر مادري شو ! وادخن بالشبه ولبان . انزين غيره

اتريا ردكم

يمكن انتي مقتنعه ان الناس يحسدونج من حد يشوفج تقولين هذيل يحسدون يمكن انتي اقنعتي نفسج نفسياً انج محسودة فتمرضين

واذا حسد ترى الرسول صلى الله عليه وسلم حذرنا واللي اعرفه ان العين حق وبس اقري المعوذات بأستحضار القلب
وانفخي على عمرج ثلاث مرات عند الشروق والغروب

وبس~

المشاركة الأصلية كتبت بواسطة اذكروا الله

يمكن مب حسد اللي فيج

يمكن انتي مقتنعه ان الناس يحسدونج من حد يشوفج تقولين هذيل يحسدون يمكن انتي اقنعتي نفسج نفسياً انج محسودة فتمرضين

واذا حسد ترى الرسول صلى الله عليه وسلم حذرنا واللي اعرفه ان العين حق وبس اقري المعوذات بأستحضار القلب
وانفخي على عمرج ثلاث مرات عند الشروق والغروب

وبس~

كنت اقول جي لكن والله لو انتي وياي بتعرفين لانه نفس الاعراض

مشكوره ع المرور

المشاركة الأصلية كتبت بواسطة poorlady

داووووووووومي على الرقية

مره قريت بس تعبت وااااااااااااايد

وصبرت وكملت القرايه

جسمي قام يحرقني حرقااااااان

وعييني ادمع من كثر ما يحرقني

ماعرف شو السالفه

اقول مب حسد واطنش