خواتي انا صدق يالسه أعاني من ادماني لموقع ألعاب على الانترنت === لان أول شيء أسويه الصبح افتح هالموقع و ايلس العب و كنت اشتري رصيد للألعاب عن طريق بطايق الفيزا و عقب يوم شفت انه السالفه كبرت وقفت اشتري رصيد للألعاب لانه حسيت حرام فلوس تنصرف على ألعاب === بعدين انا هالوقت ممكن استفيد منه في شيء ثاني === يعني تخيلوا حتى بعد ما العب و اجمع نقاط اسير ارد العب مره ثانيه بالنقاط الي ربحتها ==== الحين انا صدق ابا اودر هالشيء لكن مب عارفه كيف === ساعدوني بارك الله فيكم وادعولي بالهدايه
مسألة ترتيب وقت بس ^^
وانشغلي بذكر الله دامنا في رمضان و ارفعي رصيدج بالحسنات بدل الرصيد دنيوي
انا كنت احب العب يوميا بس يتني فتره انشغلت عن النت فنسيت اللعب الحين لعبت ولا مالعبت عادي زاد رصيدي ولا لا بعد عادي مايهمني
انا كنت مدمنه الانترنت ..بس احينه صرت اكرهه و الطريقة كالتالي ..
كنت اتسلى باشيا ثانية ..مثل الطبخ خاصة اني ما كنت اعرف اطبخ
و كنت اطلع من البيت كثر ما اقدر اني ازور يدتي و خالاتي او ربيعاتي و اقضي وقت طويل معاهم وبشوي شوي ودرت النت و بعد كم من يوم اقعد عليه ..اول في اليوم مرة و خلاص..
فكري كيف تستغلين وقتج في اشيا انتي ما جربتي قبل .. مثل ما قلت الطبخ ..قراءة الكتب والقصص الجرايد …
قعدي ويا اهلج وخواتج ..
الحينه اكتب وفاتحه موقعين العاب
غاليتي 
الي تسوينـه لا هو عيب ولا حرام
اللعب ترويج عن النفـس وتغيير لروتين الحياة اليوميــة
لكن المبالغة فيه شرات حالتج هذي المشكلة
اي شي يشغل عن الدين يستوي غلـط غاليتي
فأنا برايي أول شي تقدرين تطلبين من اتصالات تسكر عليكم الموقـــع
وبتسكره وما بتقدرين ادشين له ولو لفترة محددة ومب دائما
لين ما تتعلمين تستغنين عنــه
وترتبين وقتج أكثر بين العبادات والأهل والأقارب ^_^
وطبعا مسؤولياتك اليوميـة على حسب شخصيتج
وهداك الوقت تقدرين ترتبين وقت خاص بج حق اللعب
وتحطين جنبج منبه
ويوم يرن المنبــه اتسكرين اللاب بدون ماتفكرين مرتين
يعني خلها حركـة لا إراديـة
لإنج انتي العاقلـة والواعيـة وانتي الي تتحكمين في نفسج ومب اللعبة ^_*
لإن يوم يكون إدمان للشي للاسف هذا يكون من عمل الشيطـــان
عرف انه ما قدر يغرج بشي ثاني فدش لج من باب الترفيه عن النفس
ولازم تلعبين ولازم تربحين ومافيها شي إذا زدت ساعـة بعد
لين تحصلين يومج انقضى في الألعاب ونسيتي فيه رب العالمين
انتي أكيد عاقلـة وقادرة ترتبين أولوياتج
وربي يثبتج ويزيدج من فضلـه ^_^