حبيباتي و أهلي أهل الإمارات أنا بصراحة انا من لإمارات وخذني واحد من قطرمشكلتي إهية إني أعيش مع اهل ريلي في بيت واحد هم 5إخوان وكلهم متزوجين وأضغرهم زوجتة تشتغل وما تدش المطبخ معانا خير شر الحمدلله عندنا 4 شغالات بس حق شغل البيت لأن رياييلنا ما يحبون طباخ الطباخ وهذة كنتهم الأصغر وحدة يمسكون عيالها ويلبسونهم ويشربونهم ويرقدونهم كأنه امهم ميته واخوهم بعد يطبخون له ويسألون عنه كأنه ما عنده زوجة وهو ذكي ما يخلي زوجته تطلع من غرفتها حتى لا يشغلونها مثلناو إحنا عيالنا ولا يسألون عنهم ولا شي المهم أنا إنسانه بسيطة وعلى نياتي وما لي خص في اي شي وماأحب المشاكل وزوجي ولله الحمد يحبني ويعزني ويقدرني ويوديني عند هلى بالإمارات كل ما فضى. المشكلة إني وايد أتضايق من تصرفات أمة أحسها وسواسية وشكاكة ونظراتها كلها شك وخبث ومراقبتنا في الطلعة والدخلة ومهما سوينا لها ما أتقول الحمدلله إنهم يطبخون لنا ويخدمونا بالعكس تلومنا زيادة إن نحن ما نسوي شي وما نخدمها وكنتها الصغيرة لا يحاسبونها ولايقولون لها شي بالعكس يمسكون عيالها ويخدمونها(طبعا أنا معاي 3 من كناتها غيري يعني إحنه 4 غير الصغيرة)قولو لي من في هالزمن يطبخ أو يعطي قلاص ماي حق حماتها أو يوديلها الدواء بس بعد كل هاي تلومنا وتظرب المثل في بناتها إنهم خدموا أهل رياييلهم مع إنه طلعت كل بناتها في بيت بروحهم وعاد إخت ريلي الصغيرة نحيسة ونفسها خايسة تبي كل شي على كيفها ما خذة بيت بروحها وكل يوم طايحه عندنا وولدها 6سنين كله يتهاوش مع ولدي إللي حتى ما كمل الثلاث وأنا زهقت ولاعت جبدي منها وما لي خاطر أشوف ويها حتى .الله يخليكم ساعدوني وعطوني حل لأني بنتكم وأعذروني إذا كنت ضايقتكم لأني مالي حد في هالبلد اعرفة أو اشكي له همي غيركم وأفضفض وأطلع إللي في خاطري وارتاح شوي وزوجي إذا قلت له ياخذ في خاطرة على أهله وخواته ومهما صار هذيله أهلة وما لاغنى عنهم
ماعرف شو اقولج
حاولي اذا يت البسيها ولاترمسينها
الحل هو انج تقنعي ريلج انكم تستقلوا بروحكم في بيت يخصكم
عشان تبعدوا عن المشاكل اللي ممكن تخرب عليكم
والله يسهل امورج ان شاء الله
انتي تسوين الشي الصح مايخصج في غيرج
لو ياات لومتج وقالت يا فلانه انتي مقصره قولي لها في شو مقصره يا خالتي
شو اللي ناقص ؟؟
بس طبعا ب أسلوب 
بخصوص بنتهم هي اتيي بيت اهلها شو مزعلنج ؟؟؟ برايها حبوبه مب زين اتنقيين
عقب بيسون لج جييه على كل سفره (ليش تسافر وماله داعي ومن هالرمسه)
وعن سالفه ولدج …..يوديها (العمة) قولي لها ولد اخوج عمره 3 سنين طبعا تقولين لها ولد اخوج عسب تحننين قلبها واذكرينها انها عمه !!! وقولي لها هذيلا اخوان بس مب زين نعوود الكبيررر يضرب الصغير قولي لها اباج ترمسين ولدج لانيي ادري بيسمع رمستج
وانتي رمسي الولد قولي له حبيبي هذا اخوك ماتضربه صغير
وبسسسس