مشكلتي مع الجامبري

مرحبا يا اخواتي

بالله مين تعرف طريقة اضبط فيها الجامبري ..

فيه طريقة يكون فيها الربان او الجامبري اللي حجمه كبير او الوسط هش ولذيذ ..

فيه طريقة اللي يعمل تكشينة مع البصل والفلفل الاخضر و الطماطم .. و ينظاف علهاي الربان .. بس كل ما اشتريها من برى .. تطلع جنان ولما اسويها في البيت تكون مررره شينة و محبطة .. حتى لو كنتي جايبة الجامبري طازج .. ما ادري ايش السالفة .

ساعدوني بالله

وهل لها بهار مخصوص

يا الله

ثمان قراءات ما فيه من ردت علي

هلا اختي جربي هذي الطريقة انا خذتها من هالمنتدى والصراااحة طلعت رووووعة ولذيذة وكل حد سألني عن المقادير ..الصراحة نسيت شو اسم الإخت بس ما اقول إلا يزاها الله خير

2 كيلو ربيان جامبو.
12 بيضة.
2 ملعقة صغيرة سكر.
2 ملعقة كبيرة ملح.
2 ملعقة كبيرة بيكن بودر.
8 ملاعق كبيرة طحين نخي ( حمص ).
8 ملاعق كبيرة نشاء ( كورن فلور ).
1 ملعقة كبيرة أجيتا موتو.

الطريقة:
نقوم بخلط جميع المكونات السابقة مع بعضها ثم نقوم بتنظيف الربيان
( يجب ان يكون منزوع القشر ) ونضيفه للخلطة و ننقعه في الخليط لمدة نصف ساعه.

بعد ذلك نقوم بقليه في زيت عميق.

اصلا ما احب الجمبري

(الروبيان)

بنت النوخذه حياك الله اختي ومشكورة على الطريقة

انا لقيت وحده من خلال البحث وطلعت مره حلوة .. بس مع الربيان المشوي

تحمسي بصل مفروم مع ثوم لمدة 7 دقايق ثم تضيفي له طماطم مطحون او صلصة .. ثم تضيفي لها شوية موية ثم ملح وفلفل و سكر و بهار .. وخليها تغلي شوي .. وبعدين برديها و انقعي فيها الربيان المنظف لمدة 30 دقيقة .. ثم دخليها في اسياخ و دخليها الرفن او الشواية او على الفحم بس لا يزيد مده الشوي عن 7 دقائق وكل شوي اقلبي السيخ عشان يضبط كل وجه من الوجوه

موفقه حبيبتي ..

اخت حمامة

كنت قبل ما احب الربيان بس تزوجت و حبيته ..

موفقه اختي ..

يعطيج الف عافيه الغاليه على المجهود….