كيف الحال خواتي؟
انا قاعدة الحين محتارة
ماعرف شو اسوي؟
تعرفون اني بدون يعني لا احمل اوراق ثبوتية
من ناحية ابوي
واتصلوا علي من الديوان
وقالوا لي انهم ماراح يساعدوني في موضوع الجنسية ابدا الا اذا طلعت جنسية بلاد ثانية
وانا بصراحة مااقدر اطلع جنسية اي بلد ثانية
لان ماعندي اوراق ثبوتية من ناحية ابوي ولا من ناحيتي
وجواز جزر القمر صعب بعد الحين يطلع لي !
لان الظاهر انهم موقفينه
وانا وحيدة امي يعني ماعندي خوان ولا خوات
وامي رافضة موضوع اطلع جواز من دولة ثانية
لانها تخاف علي!
فمااعرف شو اسوي الحين
احس اموري تعقدت اكثر من قبل
وانا الحين عمري 28
امي قاعدة تحاول تطلعلي من سلطنة عمان لانها اصلها عماني وهي مقدمة على جواز الامارات من فوق الثلاثين سنه الحين
يعني هي جديمة في البلاد
ولكن في عمان قالو لها نفس الكلام رغم انه في كثير بدون او من جنسيات ثانية متجنسين في عمان بس مادري ليش انا 
وانا مالي حد في البلاد غيرها
يعني شو اسوي الحين؟ شوروا علي
كنت متفائلة بهذي السنة
ولكن اولها مب طيب
صح هو عسى ان تكرهوا شيئا وهو خير لكم
بس موضوع الجنسية هذا مب سهل خاصة لوحدة مثلي.gif "12 (85)")
بس هذا اختي من متى من قريب ولا كيف ؟
واي ولاية ؟
انا امي راحت البريمي بس هي درعية ولادة تنعم
وهي ساكنة في الامارات من زمان عشان تشتغل
وعندها اخ بس متجنس جنسية الامارات
والدروع مادري عنهم
ماسعادوها ماعرف ليش!
راحت لشيخ منهم
صار ياخر الموضوع ويقول لها انك متزوجة بلوشي مب عماني يعني صرت مب منا!
صراحة كلام عجيب
وجدتي ام امي عمانية بس متجنسة سعودي بس متوفيه
وجدي ابو امي عماني بس بعد متوفي
وناحية الاب كله بدون في بدون واصلا مااعرف وين هو!