https://forum.uaewomen.net/showthread…C7%E1%E1%ED%E1
بعد التجاهل الي صاير .. رسل لي الرساله إلي تشوفونها
رسل لي رساله ثانيه و تقريبا فيها نفس الكلام الرسايل الاولى انه يبيني اعطيه كلام حلو ورومانسيه و مل من الجفاف ..
رديت عليه برساله قلت له انت الي تسويه ما تقربنا من بعض و تخلينا نفهم بعض لكن تبعدنا من بعض
انا ابي وقت علشان اقولك كلام حلو ابي الكلمه تطلع من قلبي فاصبر ..
ما اشوف الى بعد دقايق يتصل و رديت عليه بلي يكرهه هلا بس خذيتها نوع من العناد
فقال هو الحين انا الي ابعد علاقتنا و لا حرمانج خبرته انت .. فرد علي بصراحه ما شفت احد بهالجفاف كانج رجال من حولي هالكلام ضايقني قال انا طلبت بس كلمه حلوه ما تقدرين تقولينها كيف راح اعيش العمر معاج ..
و قال الله يهديج عقلج صغير فانا رديت عليه انت الي عقلك صغير و اول مره اشوفه يقول باسلوب قوي
من طيبتي قمتي تردين علي مب مشكله و سكر الخط
و لنا اسبوع لا اتصلت ولا طرشت بس هو امس كان عرس اختي الكبيره و هي ملجت من يومين ..
و عرست فطرش رساله مبروك شايفه اختج يومين ملجه و عرس و احنا 3 اشهر ملجه و تقولين تبين وقت .. دنيا مع الاحزان ضدي حليفه ..
و سمعت من اخواني انه ما حضر العرس فما رديت عليه ..
شو اسوي هو مش طايع يفهمني ما اقدر اقوله كلام حلوو استحي لين عقب الزواج خير يمكن اقوله ..
و لا زالت مشكلتي
المفرووض تحاولين ترضينه ولو بالقليل اكسبيه قبل لا تخسرينه
هذي بتكون عشرة عمر مو عشرة يوم ويومين
هو يبعد يتوقع منج تتقربين مو تبعدين زيااااده
الله يهديه لج ويهديج له ويوفقكم في حياااتكم
يااختي اسمحيلي هذا الاسلوب ماينفع كبري عقلج فديتج وبعدين هذا ريلج مب غلط تسمعينه كلام حلو ورومانسي لاتقوليلي استحي 3شهور وبعدج تستحين
الله يهديج
رددي كلماات حلوة ومختصرة بالاول 00صدقيني مع التكراار رااح تتعودين ع
الكلمة نفسهاا وتشوفينهااا كلمة عااديه مثل اي كلااام تقولينه يومياااا0
حبيبتي اناا الي حسيته ان الرياال روماانسي وهذااا يتطلب منج
انج ادلعينه وتعطينه واابل من هالكلماات الروماانسية الحلوة ^^
اذا انتي ماا قلتيله منوو بيقوله ؟؟؟؟؟
خذيهااا بروح حلوة ولا تعااندين ترااا العنااد ما يضيع الا صااحبة فديتج
الله ايسر امورج ويفج قلبج لساانج ويسعدج يااارب 0
ابديها بالمسجات مع الايام بتشوفين عمرج
اتقولينها له..ولاتعاندين عادي بالآخرايقولج
بدالج الف وحده اتسمعني كلام حلو..