السلام عليكم
بنات حبيت اخبركم عن مشكله صارت لي فالدوام و بي نصيحتكم و شوركم لو سمحتوا
انا في قسم كلهم شباب بس نحن ثلاث بنات و وحده مناا الحمدالله مطوعه و متدينه وايد وانا وايد احبهاا و اعزهاا ودووم اقعد معااهاا اسمع نصايحهاا لانهاا يوم تنصحناا تنصحنا بطريقه حلوه اتحببني فالشي … بس مشكلتهاا مرات مااتحاسب على رمستهاا يعني تغلط علي و اتعق علي رمسه بدون مااتحاسب واعديهاا اقول برايه مابخلي الاشياء الصغيره اتأثر بصداقتي معاهاا
و قبل اسبوع بالتحديد كنت لابسه عباه كم العباه من الكوع لي الرسغ حركتهاا منتفخه تعرفون المديل اكيد والعباه بسيطه مسوتنهاا للدوام هي ماعيبتها العباه مع انهاا بسيطه المهم قلت لهاا انا تعيبني و قامت قالت لي رقاصه 
انا حزة بخاطري وطول اليوم اتقول بصوت عالي الرقاصه يب الرقاصه راحت نعم شو تبين يالرقاصه ….الخ
و كم مره قلت لهاا يا فلانه بسج تعليق مب حلوه الشباب يسمعونا و اطنش رمستي و اتعلق و على آخر الدوام كنت اناا عصبيه اشوي من ضغط الدوام فسرت لهاا اقولهاا انا بترخص يلا مع السلامه و ردت علي باي يالرقاصه و لا اشوفهاا و انا ساكته و قعدت استغفر في خاطري عشان ماا ضارب معاهاا ولا هي اتشوفني واتقولي خلاص اذا انتي مب رقاصه اختج الرقاصه والله انا اهني انصدمت اختي شو خصهاا تغلط عليهاا و قلت الهاا مابرد عليج ولا اترد واتعيد اتقوول انتي اختج رقاصه وهي ع فكره ماتعرف اهلي وماتعرف اختي بعد
وفوق كل هذا مارديت عليهاا و طلعت و انا صج وايد مضايجه منهاا و اليوم الثاني طرشت لها ايميل قلت لهااا انتي مااثمنين رمستج انتي غلطي علي و سكتت و الحين تغلطين ع اهلي بعد شو سوت فيج اختي
تعرفون شو ردت علي قالت لي اني وايد مكبره السالفه و هي ماتبااا صداقتي خلاص قلت لهاا برايج بس اقل شي الناس تتأسف و تعتذر
هل أنا غلطت يوم طلبت منهاا تتأسف ؟ابي نصيحتكم
والسموحه على الاطاله
لكن أخيتي الستر والزينه لك أنت ولزوجك بالمستقبل والعباءه هذه ملفته للأنظار وللإعجاب الرجال الغرباء لذا تحملين وراءك كما من الذنوب بسبب هذه العباءه الذي يزينها لك الشيطان الذي قال والأيه بالقراءن (لأغوينهم أجمعين إلا عبادك منهم المخلصين) فكوني مخلصه بحجابك تقيه نقيه من هذه الأهواء المضله المظلمه للنفس
تبى تنصح تنصح بينج وبينها مب تفشلج جيه
انا كانت عندي وحدة شراتها بس الله فكني منها ومن بلاها والحمدلله وكنت في البداية اطوف على اساس انها زميله وصديقة بس عقب وقفت لها ورديت عليها في الويه وخلهم يسمعون جان صدق تقفط لانها ماتوقعت اتويقح انا بعد شراتها
هالنوع يبالهم جيه بس تحاسبين انتي بعد على رمستج عشان محد يمسك عليج غلط
وليتج لو قلتيلها في الويه مب بايميل بس شكلج محترمة علاقتكم
بس الأسلوب أهم شي في النصيحه
الله يسامحها هيه غلطانه
و تصرفج صح انج قلتي الي في خاطرج ما سكتي عن الحق
هيه يمكن تبا اتكرهج في العباه
بس الأسلوب خانها
اتي كلميها بأسلوب راقي و انتي هاديه
قوليلها يا فلانه انتي زعلتيني بكلامج
الإلتزام ما يسيء للناس
الإلتزام أدب إسلامي و أسلوب و لا اروع
خوفيها قوليلها يمكن انتي طحتي بالاثم
لأنج اغتبتي اختي حتى و قلتي عنها رقاصه
في ناس ما يثمنووون الشخص الا يوم يفقدووووه
انا انصحج بشي ع الصبح الحلو هذا ؟؟
انصحج تخلين علاقتج معااااها سطحيه واكثر عن السطحية بعد لانه ما ينفع تقطعينا بالمرة لانكم مع بعض فالدواااااام باجر يتشمتوون الشباب فيكم لو عرفوا ان في 2 مضاربين وتطلع رمسه وجي
الكلمه مب هينه ولو نا مكانج جان قلت لها يالمغنيه ياللي تركض ورا البيزااات . واعطيهاهاك الكلام .. وخلها لو فيها الخير ترمس عني بالطريقه هذي ..
القهر انها قايلة علا اختج … قسم لا اقطعها فالدوااام واسير واسوي لها سوات تخليها تندم انها توظفت بفنس مكتبي
انتي اخلاقج حلوة وحلو ردج عليهاااا لهالشي كملي جميلج مع نفسج وحلي اخلاقج وربي يفتحها عليج
واقووولج لج طااف لهالوجووه .وعامليه معاااامله سطحية ولاتردي عليها بشي لو حاولت تتقرب .. باجرمايندرى شو بتقووول عنج ..
هاذي نصيحتييييييييي
وصبااااااااااااااحج تركش كوووووووووفي
هاذي مالها شغل بالتدين
متدينة وهاذي سوالفها
ترى لايغرج اختي
اي وحدة تنقبت عبالج متدينة
انتي ماعليج منها احقريها ولا جنج تسمعينها
اهية بتتملل وبتحس ان انتي مب مفتكرة فيها
وبالأخير بتمل